რენტგენის სკანერმა შეიძლება დააზიანოს ე-წიგნის ეკრანი

[ბერო]

დღეს ლიტერატურის ყველა თანამედროვე მოყვარეს აქვს ელექტრონული წიგნი ან დაფიქრებულა მაინც მის შეძენაზე. ამავე დროს იგი ხშირად დააქვთ გადაადგილებისას, რადგან კომპაქტური და სატარებლად მარტივი ნივთია. მაგრამ არ შეიძლება არ ვიცოდეთ იმ სიურპრიზების შესახებ, რომლებიც შეიძლება მათ გაგვიმზადონ, განსაკუთრებით კი მაშინ, როდესაც საქმე უსიამოვნო სიურპრიზს ეხება. როგორც ცნობილი გახდა, ელექტრონული წიგნის ეკრანი შეიძლება მწყობრიდან გამოვიდეს რენტგენის გამოსხივებით.

ამის შესახებ იტყობინება მაიკლ ჰართი (Michael Hart), ის ირწმუნება, რომ მისი Kindle-ი დაზიანდა რენტგენული სკანერის გამოსხივებით მადრიდის აეროპორტში. ის დარწმუნებულია რომ მიზეზი მხოლოდ ერთია, რადგან იგი კითხულობდა თვითმფრინავის დაჯდომამდე. თეორიულად ეს შესაძლებელია, ამტკიცებს კემბრიჯის უნივერსიტეტის პროფესორი დაპინ ჩუ (Daping Chu).

ეკრანი E Ink წარმოადგენს შავი და თეთრი დამუხტული ნაწილაკების მასივისგას შემდგარ კაპსულას, რომლებიც ელექტრომაგნიტური ველის გავლენით გადაადგილდებიან და წარმოქმნიან გამოსახულებას. გარკვეული პოზის მიღების შემდეგ ეკრანი ინახავს გამოსახულებას იქამდე, სანამ ძაბვა ისევ არ განხორციელდება, ეს დადებითად აისახება დარჩენილი ენერგიის ეკონომიაზე. შესაბამისად, ელექტროობის გარე წყაროს ადვილად შეეძლო დაერღვია ეკრანის მუშაობა, ან საერთოდ გამოეყვანა მწყობრიდან.

ამ ფენომენის უფრო სარწმუნო მიზეზი შეიძლება სტატიკური ელექტროობა იყოს, რომელსაც ელექტრონული წიგნის ზედაპირი წარმოქმნის. თუმცაღა რენტგენული გამოსხივების ვერსიაც არ უნდა გამოვრიცხოთ. სკანერისგან გამოწვეული სტატიკურ დატვირთვას მართლა შეუძლია კაპსულაზე წარმოქმნას 100 ვოლტიანი ძაბვა და დააზიანოს ეკრანი, რაც გამოიწვევს ნაწილაკების ერთ ადგილზე სამუდამოდ გაჩერებას.

Amazon-მა არ დააყოვნა განცხადების გაკეთება, კომპანიის წარმომადგენლების თქმით, Kindle-ზე რენტგენული გამოსხივების მოწყობილობამ არ უნდა გამოიწვიოს არანაირი პრობლემა. ასობით ათასი Kindle-ის მფლობელი დაფრინავს თვითმფრინავით ყოველდღიურად, მაგრამ მსგავსი პრობლემა არ ფიქსირდება, თუმცა Amazon-ი მზად არის უფასოდ გამოცვალოს ამ მიზეზით დაზიანებული ყველა ელექტრონული წიგნი. როგორც Telegraph-ი იუწყება, ამ პროგრამის მიხედვით მოწყობილობის შეცვლა უკვე განხორციელდა.

წყარო: 3DNews

[მიშა]

ეჭვი მაქვს არამხოლოდ რიდერებს, არამედ ჩვეულებრივ კომპიუტერებსაც აზიანებს რენტგენის სხივები. წინააღმდეგ შემთხვევაში აეროპორტის ტერმინალში ლეპტოპებს ცალკე არ გაატარებდნენ.

[LEON]

ჩემში რაც რენტგენის სხივებს გაუვლია, მაგრამ კი ვარ ცოცხალი :chojinfc:

[მიშა]

ჩემში რაც რენტგენის სხივებს გაუვლია, მაგრამ კი ვარ ცოცხალი

არ გიცნობდე მაინც :xelitavi:

[LEON]

არ გიცნობდე მაინც

:xeli:

[ბექა]

მე მგონი არც ერთხელ გამიკეთებია :D

[NEIRON]

როგორც ვიცი,რაც გადის საზღვარს მაგ გზით,რენტგენის უფრო დაბალი ტალღით კონტროლდება,რადგან ამ ტიპის რენტგენის სხივი აღწევს ლითონშიც.