Popular Post Nikki Posted September 29, 2011 Popular Post Posted September 29, 2011 მოგეხსენებათ, უახლოეს წარსულში გამოვიდა Razer-ის ახალი გეიმინგ ლეპტოპი, რომელმაც მოახდინა სრული სენსაცია. მისი გამოსვლისას Razer გვარწმუნებდა, რომ PC Gaming-ის მომავალი სწორედ მის 2799$იან ლეპტოპში იყო, და მან თამამად განაცხადა, რომ მისი გამოგონება შესაძლოა გამხდარიყო არა მარტო PC Gaming-ის, არამედ ზოგადად PC მომავალიც, რამაც ცოტა არ იყოს და მღელვარება გამოიწვია გეიმერთა უმეტესობაში. ერთ-ერთი ნიუსის ავტორი გვიამბობს, რომ PC გაიმინგის ჩიხი ახლოვდება და სწრაფად მიიწევს ინდუსტრიის ნიშაში, ეს კი განპირობებულია არა სმარტფონებისა და აიპადების არსებობით, არამედ PC ჰარდში სისტემური ინოვაციების ნაკლებობით. როდესაც ეს ლეპტოპი იხილა PCWorld’s Nate Ralph-მა, საკმაოდ შთაბეჭდილების ქვეშ დარჩა, ასევე აღნიშნა Kotakus Joel Johnson-მა: “Razer Blade შესაძლოა არა მხოლოდ PC გეიმინგის , არამედ PC-ს მომავალი გახდეს”. შესაძლოა ეს ასეა მისთვის, მაგრამ მე ვერ ვხედავ PC გეიმინგს სადაც დომინირებს პორტაბელური გეიმინგ მოწყობილობები 2000$დან. მეორეს მხრივ ეს ეხება შიდა მონაცემების განახლების შესაძლებლობის სიმცირეს. ამით იმის თქმა არ მინდა, რომ Razer-ის ძვირადღირებული მანქანა, შთამბეჭდავი მახასიათებლებით არ არის ფასის შესაბამისი, ან არ გამოდგება გეიმინგისთვის, უბრალოდ იგი არ მევლინება PC გეიმინგის მსხნლად და საერთოდ, ვინ თქვა, რომ PC გეიმინგი საფრთხეშია?? დღის განმავლობაში რამდენიმე მილიონი ადამიანია ონლაინში, უკანასკნელი 48 საათის განმავლობაში პიკის გრაფიკი ადის 4 მილიონამდე, აქედან რამდენიმე ასეული ათასი თამაშობს Counter-ს და Team Fortress2-ს, ასობით ათასი კი სხვა თამაშებს, სიტყვა მკვდარი, როგორც განაცხადა რეიზერმა, ნიშნავს, როცა აღარ არის გამოყენებაში, არსებობაში, აღარ აქვს მნიშვნელობა ან განიცდის ფიზიკურ უაქტივობას, ეს დეფინიციები კი ნამდვილად არ შეესაბამება PC გეიმინგს და ამასთან სამყაროში, სადაც გადაწყვეტილების მიღება არის დამოკიდებული ფინანსურ სახსრებზე, ხოლო მრეწველობაში ადამიანები ცდილბენ უფრო იაფად შეიძინონ საჭირო პროდუქტი, როგორ გადაიხდიან PC გეიმინგისთვის 2000 ევრომდე, როცა ნახევარ ფასში იგივე მონაცემების არანაკლებ პროგრესულ მანქანას ააწყობენ?? რეალურად Blade შექმნილია ადამანებისთვის, რომელთაც აქვთ ბევრი ფული და უყვართ ძვირადღირებული, ბრჭყვიალა ტექნოლოგიის ნაწარმები. სწორედ აქ ცდება რეიზერი, რადგან ცდილობს “პირველი ნამდვილი გეიმინგ ლეპტოპი” მიყიდოს არასწორ მომხმარებელს – მათ ვისაც PC გეიმინგის ინტერესი საერთოდ არ აქვთ. ამავდროულად სურს კონსოლების მომხმარებლებმა მიატოვონ თავიანთი გაცილებით იაფი და არანაკლებ წარმადობის მქონე კონსოლები და ათჯერ მეტი დახარჯონ ლეპტოპის შეძენაზე, რაც ჩემი აზრით უფრო გავს ნიშეში შესვლას. მაგრამ მოდით არ დაგვავიწყდეს, რომ ამ ინოვაციურ პროდუქტს ბევრი დადებითი მახასითებელიც აქვს და განვიხილოთ როგორც მისი დადებითი, ასევე სხვა უარყოფითი მხარეები: პირველ რიგში, იგი არის ნამდვილი ბრენდი. ახლანდელი გაყიდვების სტრატეგიას უნდა ვუმადლოდეთ, რომ PC ლეპტოპებში რეალური და კარგი ხარისხის ბრენდები თითქმის აღარ დარჩა. ე.წ დიდმა მოთამაშეებმა ხარისხის გამო პროდუქცია გააძვირეს, ხოლო ბუტიკმა ფირმებმა გააკეთეს მძლავრი, მაგრამ მოუქნელი მანქანები. ამის საპირისპიროდ, ბლეიდი არის სწრაფი მანქანა, ძლიერი ჰარდით, მაგრამ არც ზედმეტად მძლავრი (თუკი გავითვალისწინებთ გეიმინგისთვის შედარებით დაბალი რეზოლუციის ეკრანს 1080p); მისი ინოვაციური ტექნიკური გადაწყვეტა: არაჩვეულებრივი მულტითაჩ LCD თრექპედი კლავიატურის მარჯვენა მხარეს იქცევს მომხმარებელთა დიდ ყურადღებას. ყურადსაღებია ის ფაქტი, რომ კომპანიამ შეისყიდა ODM (Original Device Manufacturer) რათა მიეღო სრული კონტროლი ჰარდის ტექნიკურ მხარეზე და დიზაინზე. ყველამ ვიცით, რომ რეიზერი არის პერიფერიების მწარმოებელი ერთ-ერთი პირველი კომპანია, შესაბამისად არ უნდა იყოს გასაკვირი ის ფაქტი, რომ ბლეიდის კლავიატურა მდიდარია მახასიათებლებით. გვთავაზობს მთლიან anti-ghosting ტექნოლოგიას, რომელიც აუცილებელი ელემენტია გეიმერებისათვის., უზრუნველყოფს ლატენტურობის თავიდან აცილებას, მსგავსი ტექნოლოგიური მონაცემების სხვა ლეპტოპებში მოძებნა კი ნამდვილად გაგიჭირდებათ. Razer კონფიგურაციების დიდი მოყვარულია, შესაბამისად იგი საშუალებას გაძლევთ თქვენი სურვილისამებრ განსაზღვროთ ნებისმიერი ღილაკი კლავიატურაზე, დააყენოთ მაკრო კონფიგურაციები რეიზერის პროგრამული უზრუნველყოფის გამოყენებით. სამწუხაროა მხოლოდ ის ფაქტი, რომ ვერ შეცვლით ღილაკების მწვანე ნათებას. მიუხედავად იმისა, რომ სხვა აქსესუარებში Razer გვანებივრებს ფერების დიდი არჩევანით, აქ ეს კომფორტი მინიმუმამდე არის დაყვანილი. უდავოა, რომ ბლეიდს აქვს ისეთი რამ, რასაც ვერ იპოვით სხვა ლეპტოპებში, ეს არის Switchblade-ის ნეთბუქში განთავსებული ტექნოლოგიის იმპლემენტირების ხორცშესხმა. მრავალფუნქციური დანიშნულების LCD პანელი სრული ზომის კლავიატურის მარჯვნივ. ასევე 10 გამჭვირვალე ღილაკი, რომლებიც შეგიძლიათ სურვილისამებრ დააკონფიგურიროთ, ჩვეულებრივი მაკროებიდან დაწყებული, საკუთარი thumbnail მინიატურული ნახატებით დამთავრებული. LCD-ს ქვედა ნახევარი გემსახურებათ როგორც თაჩპედი ნორმალური გამოყენებისათვის, ხოლო მაუსის მიერთებისას, ზედა ნახევარი იქცევა მეორად დისპლეიდ, მისი სარგებლობა თამაშიდან თამაშში იცვლება – გვიჩვენებს მაგალითებს ან Setting-ებს, შეგიძლიათ თვალი ადევნოთ მატჩს League Of Legend-ში ან უბრალოდ თქვენი გმირის მდგომარეობას WoW-ში, ასევე არის ღია API, რათა მომხმარებლებმა შეძლონ საკუთარი აპლიკაციების შექმნა და განთავსება. მინდა აღვნიშნო, რომ ფასი საკმაოდ მტკივნეულია. დღესდღეობით არსებობს ორი ლეპტოპი, რომლებზეც ღირს განცვიფრება დიზაინისა და წარმადობის გამო, ესენია MacBook Air და Razer Blade . Makbook Air არის შედარებით სუსტი, ულამაზესი დიზაინის და ბრწყინვალე ნაშენები თანამედროვე ლეპტოპი, ხოლო Razer Blade არის მონსტრი გეიმინგ აღჭურვილობაში, ისეთი თაჩსქრინ LCD ინტერფეისით, რომელიც აქამდე არცერთ ლეპტოპს ჰქონია, თუმცა Air-ის ყიდვა გაცილებით მარტივია, მისი ფასი სულ რაღაც 999$-იდან იწყება, რასაც ვერ ვიტყვით Razer Blade-ზე. 2800$ საკმაოდ სოლიდურ თანხას წარმოადგენს და ბუნებრივია ყველა გეიმერს არ მიუწვდება ხელი ამ ღირებულების პროდუქტზე. მაგალითისათვის შეგვიძლია მოვიყვანოთ ასევე Asus G735W, რომელიც გვთავაზობს იგივე მონაცემებს დაახლოებით 1650$-ად. რეიზერი ცდილობს ღირებულების სხვაობა აღადგინოს დიზაინზე და ძლიერ ნაკრებზე ფოკუსირებით. გულწრფელად რომ ვთქვა, Blade საკმაოდ დიდებულია. აგებულია მთლიანი ალუმინის კორპუსით, ძალიან გავს MacBook Pro-ს მოდელს. LED Backlit 17” დისპლეი არის კაშკაშა, ხედვის კუთხე შთამბეჭდავი აქვს და მთლიანად დაფარულია. მისი წონა არის 3.2 კგ-მდე და 1”ზე ნაკლები სისქისაა, რაც უფრო ადვილს ხდის მის შენახვას და ტარებას, თუმცა ამის საპირსპიროდ აქვს რამდენიმე ნაკლი: გეიმერის მოთხოვნილებასთან შედარებით HDD არის ზედმეტად მცირე ზომის, და რეალურად დახვეწილი switchblade-ის ინტერფეისის, კონფიგურირებადი კლავიატურისა და კომპაქტური დიზაინის გარდა არ არის სხვა ბევრი მახასიათებელი, რაც მას განასხვავებს სხვა უფრო იაფი ლეპტოპებისა და PC-სგან. პრობლემურია ასევე ის საკითხი, თუ რამდენად იდეალური და შეუღწევადია მომავლისთვის, რადგან როგორც მოგეხსენებათ, PC გეიმერებს უყვართ თავიანთ მანქანების განახლება და ჩხირკედელაობა, რათა სულ up to date ყავდეთ, რასაც ნამდვილად ვერ მოახერხებთ ლეპტოპის შემთხვევაში. რეიზერის პირველი შეცდომა იყო იმის რწმუნება, რომ PC გეიმინგის სიკვდილისგან გადარჩენის ერთადერთი გზა Blade-ის ინოვაციური მოდელია. ახლა კი გადავიდეთ უშუალოდ ტექნიკურ მხარესა და მონაცემებზე: Razer Blade-ს აქვს Intel-ის მეორე თაობის Core i7 პროცესორი, რომელიც უზრუნველყოფს თამაშების და Media Playback-ის წამებში გაშვებას ყველაზე მძლავრი წარმადობით. იგი მოდის 8GB RAM-ით DDR3-ზე – საკმარისზე მეტი, რომ ერთდროულად გაშვებულ იქნას HD ვიდეოები, გრაფიკული დიზაინის პროგრამები, თამაშები, და ამავე დროს იყოთ ინტერნეტში. Razer Blade-ს მოსდევს მაღალი წარმადობის Nvidia GeForce GPU, რაც იმას ნიშნავს, რომ თქვენ შეგიძლიათ ითამაშოთ შეფერხებებისა და ლაგების გარეშე, Dx11 გრაფიკაზე. Nvidia Optimus ტექნოლოგიის გამოყენებით რეიზერი წარმადობას უთავსებს ელემენტის ხანგრძლივ სიცოცხლეს: იმ პროგრამებისათვის, რომლებიც მძლავრ გრაფიკულ წარმადობას მოითხოვენ, ირთვება განცალკევებული ვიდეო დაფა, ხოლო ჩვეულებრივ რეჟიმში მუშაობს ინტეგრირებული გრაფიკა. ტექნიკური მახასიათებლები: პროცესორი: Intel Core i7 Dual Core – 64 bit CPU: 2.8GHz/3.5GHz(Base/Turbo) ჩიპსეტი: Intel Mobile Express Series 6PCH Cougar Point chipset მეხსიერება: 8GB, 1333MHz DDR3 320GB HDD, 7200RPM SATA დისპლეი: 17.3″; 16:9 ratio; 1920×1080 LED Backlit გრაფიკა & ვიდეო დაფა: ინტეგრირებული გრაფიკა + Nvidia Discrete GPU 2GB Dedicated GDDR5 (GT555M) ინტეგრირებული HD ვებკამერა პორტები: HDMI; 1x USB 3.0; 2x USB 2.0; 3.5mm აუდიო/მიკროფონის ჯეკი; Gigabit Ethernet პორტი ელემენტი: 60Wh Wi-Fi 802.11 b/g/n Bluetooth 3.0 ზომა/წონა: სიგრძე – 42.7 სმ სიგანე – 27.7 სმ სისქე – 2.24 სმ წონა – 3.16 კგ 1 ghosting- კვაზი ტექნოლოგიური მდგომარეობა, როდესაც არ ხდება response (პასუხი ერთდროულად რამდენიმე ღილაკზე დაჭერის დროს) http://www.youtube.com/watch?v=2BB-zp_wEug ააბა წავიდა დისკუსია :P 12 Quote
Kemo Posted September 29, 2011 Posted September 29, 2011 ყოჩაღ ნიკ, მაგარი NH ხარ, ზოგიერთ ზარმაცს კი არ გავხარ :D Quote
evolution Posted September 29, 2011 Posted September 29, 2011 მაგარი იქნება, უფრო სწრაფი თამაში წავა. პ.ს. მადლობა სიახლისთვის Quote
Prince Posted September 29, 2011 Posted September 29, 2011 ეს ისაა მე რო მაკითხებდი? და რო ვერ წავიკითხე? :დ Quote
amenhot Posted September 29, 2011 Posted September 29, 2011 +1 ძალიან კარგი სიახლეა! იმედია მალე მექნება ამით გართობის საშუალება :) Quote
სოსო Posted September 30, 2011 Posted September 30, 2011 რა სიახლე? რეიზერის კრიტიკა უფროა არ ველოდი ძვირია აბა რა არის ნამეტანი ძვირია და არც PC გეიმინგი მომკვდარა საერთოდ ლეპტოპ-გეიმინგია უფრო დიდი მარაზმი ჩემის აზრით :) Quote
Nikki Posted September 30, 2011 Author Posted September 30, 2011 რა სიახლე? რეიზერის კრიტიკა უფროა არ ველოდი ძვირია აბა რა არის ნამეტანი ძვირია და არც PC გეიმინგი მომკვდარა საერთოდ ლეპტოპ-გეიმინგია უფრო დიდი მარაზმი ჩემის აზრით რაც გასაკრიტიკებელია უნდა გაკრიტიკდეს თორემ რაც კარგი აქვს არც ეგ დამიკარგავს პროსტა ფასი... ვაშლსაც კი გაასწრო მგონი :D 1 Quote
სოსო Posted September 30, 2011 Posted September 30, 2011 პროსტა ფასი... ვაშლსაც კი გაასწრო მგონი რაღა მგონი რომელიც აქამდე არცერთ ლეპტოპს ჰქონია, თუმცა Air-ის ყიდვა გაცილებით მარტივია, მისი ფასი სულ რაღაც 999$-იდან იწყება, რასაც ვერ ვიტყვით Razer Blade-ზე. 2800$ საკმაოდ სოლიდურ თანხას წარმოადგენს აუ 2800 დოლარად რა გეიმინგ მონსტრს ავაწყობდი?! ჩემის აზრით PC უნდა იყოს ძალიან ძლიერი თავიის ვიდეო და პროცესორით თამაშებისთვის და ლეპტოპი უნდა იყოს მსუბუქი და გრილი ხო და ნეთბუქი არ უნდა იყოს ეს პატარა მონიტორი მკლავს :D 1 Quote
AVENGER Posted September 30, 2011 Posted September 30, 2011 ჩემის აზრით PC უნდა იყოს ძალიან ძლიერი თავიის ვიდეო და პროცესორით თამაშებისთვის და ლეპტოპი უნდა იყოს მსუბუქი და გრილი ხო და ნეთბუქი არ უნდა იყოს ეს პატარა მონიტორი მკლავს +1 ძლიერი ლეპტოპის ყიდვა თავში არასოდეს მომსვლია, ერთბირთვიან, ერთნაკადიანი და 1GB ოპერატიულიანიც დამაკმაყოფლებელია ჩემთვის მთავარია ვიზუალურად იყოს ნორმალური :rolleyes: Quote
Barca Posted September 30, 2011 Posted September 30, 2011 ამ ნოუთის ერთადერთი მინუსი როგორც გეიმნგისთვის განკუთვნილის არის ის რომ აქვს სუსტი ვიდეო ბარათი GT 555M არაა ნაგავი მაგრამ Full HD ზე გაუჭირდება რამოდენიმე ახალი თამაში და მალე ყველა კარგი იქნება GTX 570,580M რომ ქონდეს ისე როგორც ნოუთბუქი ყველანაერად უძლიერესი რამაა და ვერ შეედრება ვერაფრით ვერცერთი გეიმინგ ლეპტოპი რომელსაც ასე ლანძღავთ ხოლმე :D Quote
fashisti Posted September 30, 2011 Posted September 30, 2011 მარაზმის სუნი ასდის... რაღა მაკბუკი და რაღა ეს... ანუ ამ ლეპტოპს რომ ყიდულობ ყვირიხარ რომ მე მაგარი ბიჭი ვარ მე ბევრი ფული მაააააააააააააააააქვს... ამის პრაქტიკული გამოყენება არის 0 Quote
Barca Posted September 30, 2011 Posted September 30, 2011 არა ეს მართლა მაღალი დონის ლეპტოპია ,ერთადერთი მინუსი დავწერე ზემოთ თქვეს რომ მომავალში ამ სტილის იქნება გეიმინგ ლეპები და არა ალიენ ვერისნაერი ჯართი 1 Quote
Razer Posted September 30, 2011 Posted September 30, 2011 ალიენი უკვე ჯართია ისედაც ჩემმა დეიდაშვილმა იყიდა ქოშიმო თუ რაღაც კვერცხი სახელი აქ. დორბლები გადმომიცვივდა რო ვნახე. მაგრამ ამას მაინც დავითრევ :lol: Quote
Nikki Posted September 30, 2011 Author Posted September 30, 2011 ალიენი უკვე ჯართია ისედაც ჩემმა დეიდაშვილმა იყიდა ქოშიმო თუ რაღაც კვერცხი სახელი აქ. დორბლები გადმომიცვივდა რო ვნახე. მაგრამ ამას მაინც დავითრევ ხოდა ერთი სულიერი გადმოსახლდება შენთან :D 1 Quote
lomsa Posted September 30, 2011 Posted September 30, 2011 ჰმ ძვირია . ბევრად უკეთეს სააწყობ მაგ ფასში თან არ მწამს გეიმინგ ლეპტოპების Quote
Albert Einstein Posted September 30, 2011 Posted September 30, 2011 მარაზმის სუნი ასდის... რაღა მაკბუკი და რაღა ეს... ანუ ამ ლეპტოპს რომ ყიდულობ ყვირიხარ რომ მე მაგარი ბიჭი ვარ მე ბევრი ფული მაააააააააააააააააქვს... ამის პრაქტიკული გამოყენება არის 0 +1 :babu: 1 Quote
Barca Posted September 30, 2011 Posted September 30, 2011 ალიენი უკვე ჯართია ისედაც ჩემმა დეიდაშვილმა იყიდა ქოშიმო თუ რაღაც კვერცხი სახელი აქ. დორბლები გადმომიცვივდა რო ვნახე. მაგრამ ამას მაინც დავითრევ Toshiba Qosmio ? ეგ მხეცი ნოუთუა ყველანაერად ,ჯერ მარტო ჰარმან კარდონის სპიკერები აქვს ვირტუალირი 5.1 ხმის სისტემით :thumbsup: Quote
Inferno Posted September 30, 2011 Posted September 30, 2011 კარგით რა razer თუ 320GB HDD, 7200RPM SATA-ს გეიმინგის მომავალს ეძახის მე რო ვერტქსი ჩამომივა გადავსულვარ 22 საუკუნეში მაშინ! ასევე პირადად ვთვლი რომ ნოუთბუკით თამაში არის მარაზმი, ვთამშობ თამაშებს და არასდროს გამჩენია რეიზერის ან ასუსის გეიმერული ნოუთბუქის ყიდვის სურვილი. არც გმიჩნდება. 1 Quote
მიშა Posted September 30, 2011 Posted September 30, 2011 ეს არ არის PC გეიმინგის მომავალი. ყოველ შემთხვევაში, ისეთი მომავალი არ არის,როგორიც მე წარმომიდგენია. ეს არის ღორი კომპანიის ღორობის გამოვლინება. Razer და Apple უნდა გადააბა ერთმანეთს და გადაყარო მტკვარში :babu: Quote
Inferno Posted September 30, 2011 Posted September 30, 2011 ეს არ არის PC გეიმინგის მომავალი. ყოველ შემთხვევაში, ისეთი მომავალი არ არის,როგორიც მე წარმომიდგენია. ეს არის ღორი კომპანიის ღორობის გამოვლინება. Razer და Apple უნდა გადააბა ერთმანეთს და გადაყარო მტკვარში მაგათ ცოტა მოშნი მდინარე უნდა მტკვარი ვერ დაახრჩობს Quote
მიშა Posted September 30, 2011 Posted September 30, 2011 ამაზონი უი მანდ ისედაც ყრიან :xelitavi: Quote
Razer Posted September 30, 2011 Posted September 30, 2011 :huh: კონფიგის გაყიდვა რო მომიწიოს მაინც დავითრევ, იმედია მანამდე კიდე უფრო დახვეწავენ , თორე არც მე მომწონს რაღაც რაღაცეები Quote
მიშა Posted September 30, 2011 Posted September 30, 2011 კონფიგის გაყიდვა რო მომიწიოს მაინც დავითრევ, იმედია მანამდე კიდე უფრო დახვეწავენ , თორე არც მე მომწონს რაღაც რაღაცეები კიდევ კარგი ეს ბოლო მოაყოლე, თორემ უკვე ვაპირებდი შენზე წარმოდგენა გამფუჭებოდა :dabolili: Quote
Recommended Posts
Join the conversation
You can post now and register later. If you have an account, sign in now to post with your account.