Magdalena Posted June 24 Posted June 24 მომდევნო თაობის Xbox-ს AMD-ის პროცესორი ექნება - Microsoft-მა პარტნიორობა განაგრძო Microsoft-მა გამოაცხადა AMD-სთან აპარატურული უზრუნველყოფის სფეროში პარტნიორობის გაფართოების შესახებ, რაც მოიცავს ახალი თაობის Xbox გეიმინგ კონსოლებს და პორტატულ მოწყობილობებს. პარტნიორობა, სავარაუდოდ, რამდენიმე წელს გაგრძელდება და შეეხება დესკტოპ და პორტატული გეიმინგ სისტემების რამდენიმე თაობას. ფოტოს წყარო: Microsoft „მოხარული ვარ გაცნობოთ, რომ AMD-სთან სტრატეგიული, მრავალწლიანი პარტნიორობა დავამყარეთ, რათა ერთობლივად შევიმუშაოთ სილიკონის ჩიპები სხვადასხვა მოწყობილობისთვის, მათ შორის ახალი თაობის კონსოლებისთვის, რომლებიც თქვენს მისაღებ ოთახში და თქვენს ხელში მოხვდება“, - განაცხადა Xbox-ის პრეზიდენტმა სარა ბონდმა. ეს განცხადება პირველი ოფიციალური დადასტურებაა იმისა, რომ Microsoft მუშაობს Xbox-ის დესკტოპ კონსოლების ახალ თაობაზე, ასევე ამ ბრენდის ქვეშ მოქმედ პორტატულ მოწყობილობებზე. ყველა გეიმინგ სისტემაში გაგრძელდება AMD-ის სპეციალიზებული პროცესორების გამოყენება, რომლებიც მიმდინარე თაობის ჩიპებთან შედარებით მნიშვნელოვნად მაღალ წარმადობას უზრუნველყოფენ. „AMD-სთან ერთად ჩვენ ვავითარებთ გეიმინგ ჩიპების უახლეს ტექნოლოგიას, რათა შევქმნათ გეიმინგ ინოვაციების შემდეგი თაობა, რომელიც უზრუნველყოფს ვიზუალური სიზუსტის ახალ დონეს, ინტერაქტიულ გეიმპლეის და ხელოვნური ინტელექტით გაუმჯობესებულ გეიმინგ გამოცდილებას, ამავდროულად შეინარჩუნებს თავსებადობას Xbox-ის თამაშების ბიბლიოთეკასთან“, - განაცხადა სარა ბონდმა. Microsoft-ს ჯერ არ გაუმხელია, როდის გამოვა გაყიდვაში ახალი Xbox დესკტოპ კონსოლი. კომპანია, როგორც წესი, ახალი თაობის კონსოლებს გამოშვებამდე დაახლოებით წელიწადნახევრით ადრე აანონსებს. თუ ბოლო წლების გრაფიკი დაცული იქნება ახალი კონსოლის გამოშვება მოსალოდნელია 2026 წლის ბოლომდე. განცხადების განსაკუთრებით საინტერესო ნაწილი იყო დადასტურება, რომ Xbox პორტატულ კონსოლებზე მუშაობს. ფორმატმა პოპულარობა მოიპოვა Valve-ის Steam Deck-ის 2022 წელს გამოშვების შემდეგ და დღეს ბაზარზე უკვე რამდენიმე კონკურენტია. მიუხედავად იმისა, რომ პორტატული კონსოლების სეგმენტი კვლავ ნიშურია, Microsoft, როგორც ჩანს, მასში მნიშვნელოვან პოტენციალს ხედავს და გეგმავს ამ ფორმ-ფაქტორის საკუთარი მოწყობილობის გამოშვებას Xbox ბრენდის ფარგლებში. „Xbox-თან მიმართებაში ჩვენ გვსურს, რომ ითამაშოთ თქვენთვის სასურველი თამაშები, ვისთან ერთადაც გსურთ, სადაც გსურთ. სწორედ ამიტომ ვდებთ ინვესტიციას ჩვენი ახალი თაობის აპარატულ პორტფოლიოში — კონსოლებში, პორტატულ მოწყობილობებში, კომპიუტერებში, ქლაუდსა და აქსესუარებში“, — განაცხადა ბონდმა. ხსენებული განცხადება ასევე ხაზს უსვამს Microsoft-ის ერთგულებას, მხარი დაუჭიროს თამაშებს სხვადასხვა პლატფორმაზე. ტრადიციული მოწყობილობების, როგორიცაა კონსოლები, პორტატული მოწყობილობები და პერსონალური კომპიუტერები, სავარაუდოდ, მომავალში Xbox-ისა და Windows-ის მოწყობილობებს შორის თავსებადობის გაფართოებას ნიშნავს. „საქმე ეხება ისეთი გეიმინგ პლატფორმის შექმნას, რომელიც ყოველთვის თქვენთან იქნება, რათა შეძლოთ თქვენთვის საყვარელი თამაშების თამაში სხვადასხვა მოწყობილობაზე, სადაც არ უნდა იყოთ და შემოგთავაზებთ გამოცდილებას, რომელიც ერთ მაღაზიაზე ან ერთ მოწყობილობაზე არ იქნება მიბმული. სწორედ ამიტომ, ჩვენ მჭიდროდ ვთანამშრომლობთ Windows-ის გუნდთან, რათა უზრუნველვყოთ, რომ Windows იყოს თამაშების ნომერ პირველი პლატფორმა“, - აღნიშნა ბონდმა. https://tinyurl.com/2pd47zrj Quote
Recommended Posts
Join the conversation
You can post now and register later. If you have an account, sign in now to post with your account.