მაინინგი - სიახლეები

[Power_VANO]

მაინინგი - სიახლეები

[Magdalena]

Coinshares: Bitcoin-ის ჰეშრეითი ივლისისთვის უპრეცედენტო დონეს მიაღწევს 

 

ციფრული აქტივების საინვესტიციო ფირმა Coinshares-ის ახალი ანგარიშის თანახმად Bitcoin-ის ქსელის ჰეშის სიმძლავრე მიმდინარე წლის ივლისისთვის უპრეცედენტო დონეს, 1 ZH/s-ს მიაუახლოვდება. 

2024 წლის ბოლოსთვის Bitcoin-ის ქსელის ჰეშრეითი წამში 778 EH/s-ს შეადგენდა, რაც ოდნავ მეტია Coinshares-ის წინა პროგნოზ 765 EH/s-თან შედარებით. ეს ოპტიმიზმი განპირობებულია Bitcoin-ის ფასის ზრდის ტემპით წლის განმავლობაში, რამაც მაინერები წაახალისა, უფრო სწრაფად აამოქმედონ თავიანთი აღჭურვილობა. 

Coinshares-ი 2025 წლის ბოლოსთვის ჰეშის სიმძლავრის 1.28 ZH/s-მდე გაზრდას ვარაუდობს, ხოლო 2027 წლის დასაწყისისთვის ახალი რეკორდი - 2.0 ZH/s დამყარდება. 

წამში 1 ზეტაჰეშის (ZH/s) დონის მიღწევა მნიშვნელოვანია, რადგან ეს ქსელის უსაფრთხოებისა და მდგრადობის გაზრდაზე მიუთითებს და კიდევ უფრო ამცირებს 51%-იანი შეტევის განხორციელების ისედაც ილუზორულ პერსპექტივებს. 

რაც შეეხება მაინერების მომგებიანობის ისეთ მნიშვნელოვან ინდიკატორს, როგორიცაა ჰეშის ფასი, Coinshares-მა აღნიშნა მისი უმნიშვნელო მიმდინარე აღდგენა, ამავდროულად კი ეტაპობრივი სტრუქტურული კლება ივარაუდა. მოსალოდნელია, რომ Bitcoin-ის 2028 წლის განახევრების ციკლის განმავლობაში ჰეშის ფასები, სავარაუდოდ, დღეში 35-დან 50 აშშ დოლარამდე დიაპაზონში დარჩება (PH/დღე). 

ჰეშის საშუალო ფასი, სავარაუდოდ, 2026 წლის პირველი კვარტლისთვის 40 აშშ დოლარზე დაბლა დაეცემა. ეს კლება განპირობებულია მაინინგ აღჭურვილობის ეფექტურობის ზრდით ახალი და მძლავრი მანქანების გამოჩენის გამო. 

https://tinyurl.com/y87dct6e 

 

[Magdalena]

TheMinerMag: საჯარო მაინერებმა აპრილში მოპოვებული Bitcoin-ების 70% გაყიდეს 

 

ანალიტიკოსების მონაცემებით მაინერების მიერ კრიპტოვალუტის შენახვის პოპულარული, 2024 წლის სტრატეგიიდან გადახვევის ტენდენცია მარტში გახდა აშკარა. აქტივების გაყიდვების მოცულობამ გასული წლის ოქტომბრის შემდეგ ყველაზე მაღალ ნიშნულს მიაღწია. 

კერძოდ, Riot Platforms-მა და CleanSpark-მა განაცხადეს, რომ უარი თქვეს მაინინგით მოპოვებული კრიპტოვალუტის 100%-ის შენარჩუნების პოლიტიკაზე. შედეგად აპრილის ბოლოსთვის პირველმა მათგანმა მოპოვებული Bitcoin-ების 100%-ის, ხოლო მეორემ - დაახლოებით 65%-ის ლიკვიდაცია მოახდინა. მხოლოდ სამმა კომპანიამ - MARA-მ, Cango-მ და BitFuFu-მ - შეინარჩუნა მოპოვებული ყველა კრიპტოვალუტა. 

ექსპერტების აზრით მაინერები იძულებულნი არიან Bitcoin-ების გაყიდვაზე გადავიდნენ ქსელის ტექნიკური პარამეტრებიდან მაინინგის მომგებიანობაზე მიმდინარე ზეწოლის გამო. 

ანალიტიკოსების შეჯამებით პირველი კრიპტოვალუტის ფასის 100 ათას აშშ დოლარზე მეტი ზრდის ფონზეც კი მისი მაინინგის მომგებიანობის მაჩვენებელმა - ჰეშის ფასმა - დღეში მხოლოდ 55 აშშ დოლარს მიაღწია PH/s-ზე, რაც მნიშვნელოვნად ჩამორჩება დეკემბრის ლოკალურ მაქსიმუმს, რომელიც დაახლოებით 63 აშშ დოლარი იყო. 

მანამდე, CoinShares-ის ექსპერტებმა განაცხადეს, რომ Bitcoin-ის მაინინგი, რომელიც ოდესღაც ენთუზიასტებისა და კრიპტო კომპანიებისთვის „ოქროს საბადოდ“ ითვლებოდა, თანდათან ფინანსურ ხაფანგად გადაიქცა. 

https://tinyurl.com/zpjum7pt 

[Magdalena]

Bitcoin-ის მაინინგის სირთულე 2.13%-ით გაიზარდა 

 

უახლესი გადაანგარიშების შედეგად პირველი კრიპტოვალუტის მაინინგის სირთულე 2.13%-ით გაიზარდა - 121.66 Т-მდე. 

 

წყარო: CloverPool 

ინდიკატორი ვერ დაუბრუნდა ისტორიულ მაქსიმუმს, 123.23 Т-ს, საიდანაც დაახლოებით ორი კვირის წინ კორექტირების დროს 3.34%-ით შემცირდა. 

Glassnode-ის ცნობით 8 მაისს ჰეშრეითმა (7 DMA) ერთი თვით ადრე დამყარებულ რეკორდულ 925.4 EH/s-ს მიაღწია. წერის მომენტისთვის მაჩვენებელი 846.2 EH/s-მდე შემცირდა. 

 

წყარო: Glassnode. 

Hashrate Index-ის მონაცემებით მაისის პირველ ნახევარში კრიპტოვალუტის ფასის ზრდის ფონზე, როდესაც ტესტის დროს ღირებულებამ 105 ათას აშშ დოლარს მიაღწია, ჰეშის ფასი PH/s-ზე დღეში დაახლოებით 55-56 აშშ დოლარამდე გაიზარდა. 

 

წყარო: Hashrate Index. 

მაინინგის მომგებიანობის მაჩვენებელი აპრილის ადგილობრივ მინიმუმს, დაახლოებით 40 აშშ დოლარს შეადგენს PH/s-ზე დღეში, თუმცა 2024 წლის დეკემბრის მაჩვენებელზე 10%-ით ნაკლებია. 

ინდუსტრიის ექსპერტების მონაცემებით აპრილში სეგმენტის მსხვილმა საჯარო კომპანიებმა გაზარდეს Bitcoin-ის გაყიდვების მასშტაბები და გაყიდეს მოპოვებული მონეტების დაახლოებით 70%. მაინერების მიერ გასულ წელს პოპულარული HODL სტრატეგიიდან გადახვევის ტენდენცია მარტში გახდა აშკარა. 

შეგახსენებთ, რომ არაერთმა ანალიტიკოსმა კრიპტოვალუტის ფასისა და ჰეშირების სიჩქარის დინამიკას შორის შესამჩნევი შეუსაბამობა ქსელის უსაფრთხოების რისკის ელემენტად შეაფასა. CryptoQuant-მა არსებული ტენდენცია პირველი კრიპტოვალუტის ძლიერი ფუნდამენტური პრინციპების ნიშნად მიიჩნია. 

https://tinyurl.com/yc75ynwa 

[Magdalena]

Bitcoin-ის მაინინგის სირთულემ 2021 წლის შემდეგ ყველაზე დიდი კლება დააფიქსირა 

 

Bitcoin-ის მოპოვების სირთულე დაახლოებით 7.5%-ით შემცირდა, რაც თითქმის ოთხი წლის განმავლობაში ყველაზე დიდი კლებაა. კორექტირება მოხდა ბლოკის 903168 სიმაღლეზე და შეადგინა 116.96 ტრილიონი, 126.41-თან შედარებით. ბოლო კორექტირებამდე ფლაგმანური კრიპტოვალუტის ბლოკების მოპოვების სიჩქარე საშუალოზე დაბალი იყო და შეადგენდა ერთ ბლოკს ყოველ 10 წუთსა და 38 წამში. 

სირთულის 7.5%-იანი ვარდნა ყველაზე დიდია 2021 წლის ივლისის შემდეგ, როდესაც ჩინეთში Bitcoin-ის მაინინგის აკრძალვის შემდეგ ეს მაჩვენებელი 28%-ით დაეცა და პირველი კრიპტოვალუტი ღირებულება აპრილის მაქსიმალური 60 ათასი აშშ დოლარიდან 34 ათას აშშ დოლარამდე ჩამოვიდა. მაჩვენებელმა ასევე გადააჭარბა 7%-იან კორექტირებას, რომელიც 2022 წლის დეკემბრის დაღმავალი ბაზრის დროს დაფიქსირდა. 

Bitcoin-ის მოპოვების სირთულე კონკრეტულ ერთეულებში არ გამოიხატება. ეს არის ფარდობითი საზომი იმისა, თუ რამდენად რთულია ახალი ბლოკის მოპოვება იმ სიმარტივესთან შედარებით, რაც იქნებოდა შესაძლებელი. სირთულე ავტომატურად იცვლება ყოველ 2016 ბლოკში, ანუ დაახლოებით ყოველ ორ კვირაში ერთხელ ისე, რომ საშუალოდ ახალი ბლოკი მოიპოვება ყოველ 10 წუთში, მიუხედავად იმისა, თუ რამდენი მაინერი იმუშავებს აქტიურად კრიპტოვალუტის მოპოვებაზე. 

რაც უფრო მაღალია სირთულე, მით მეტი გამოთვლითი სიმძლავრე და ენერგია სჭირდება მაინერს შემდეგი ბლოკისთვის სწორი ჰეშის მოსაპოვებლად. მაინერების რაოდენობის ზრდასთან ერთად იზრდება Bitcoin-ის მაინინგის სირთულე. და პირიქით, ახალი ბლოკების მოსაძებნად მებრძოლი მაინერების რაოდენობის შემცირებასთან ერთად პროტოკოლი ამცირებს სირთულეს, რათა დარჩენილ მაინერებს გაუადვილდეთ ბლოკების მოპოვება. 

https://tinyurl.com/3hdfhu52