Microsoft-ს სურს, რომ ყველა ადამიანს ჰყავდეს AI-ასისტენტი და ყველა ბიზნესს - AI-აგენტი

[Magdalena]

ყოველწლიურ კონფერენცია Microsoft Ignite-ზე კომპანიამ გამოაქვეყნა თავისი ხედვა კომპიუტერის მუშაობის მომავლის შესახებ, რომელიც დაკავშირებულია ხელოვნურ ინტელექტ Copilot-თან. Microsoft აპირებს Copilot აქციოს არა მხოლოდ დამხმარე ფუნქციად, არამედ მომხმარებლის გამოცდილების ცენტრალურ ნაწილად, რომელიც გააერთიანებს რამდენიმე აგენტს სხვადასხვა ამოცანის შესასრულებლად. 

 

ფოტოს წყარო: Copilot 

Copilot გახდება ერთგვარი სუპერ აპლიკაცია, რომლის მეშვეობითაც მომხმარებლები შეძლებენ ამოცანების უმეტესობის შესრულებას, განმარტავს PCMag. Copilot-ის გახსნისას მომხმარებელი დაინახავს ორ მთავარ რეჟიმს - Work-ს და Web-ს. Work Copilot რეჟიმში Copilot წვდომას იღებს Microsoft Graph-ის მონაცემებზე, მათ შორის ელფოსტაზე, Teams-ის ჩატებსა და SharePoint დოკუმენტებზე, რათა შეასრულოს ამოცანები კონტექსტზე დაყრდნობით. მაგალითად, ეს იქნება დავალებების სიის შექმნა ან თანამშრომლობის წინადადებების გენერირება ინსტრუმენტ Bizchat-ის საშუალებით. 

მომხმარებელს შეუძლია Copilot-ს დაავალოს მრავალი განსხვავებული დავალება, რომელთაც ხშირად ასრულებენ სპეციალური AI-აგენტები, რომლებიც ან Microsoft-ის სტანდარტული აგენტებია, ან კონკრეტული კომპანიების მიერ შექმნილი აგენტები. ეს არის არსებითად ის, რასაც Microsoft-ის აღმასრულებელი დირექტორი სატია ნადელა გულისხმობდა, როდესაც განაცხადა „Copilot არის მომხმარებლის ინტერფეისი ხელოვნური ინტელექტისთვის“. ამიტომ კონფერენციაზე არაერთხელ გაისმა ფრაზა: „ყველა ადამიანს უნდა ჰქონდეს Copilot და ყველა ბიზნეს პროცესს უნდა ჰქონდეს თავისი AI აგენტი“. 

აღსანიშნავია, რომ Copilot დღეს უკვე აფიქსირებს შთამბეჭდავ შესაძლებლობებს. მაგალითად, მომხმარებელს შეიძლება სთხოვონ შეხვედრის დღის წესრიგის მომზადება მონაწილეებთან დაკავშირებული კორესპონდენციისა და დოკუმენტების განხილვით. შედეგად მიღებული დოკუმენტი შეიძლება რედაქტირდეს და გაეგზავნოს კოლეგებს Bizchat-ის საშუალებით. Microsoft-მა ასევე წარადგინა ვიწრო სპეციალობის მქონე აგენტები, როგორიცაა თარჯიმანი, HR აგენტი, ფასილიტატორი და პროექტის მენეჯერი. 

თარჯიმანი ასრულებს სინქრონულ თარგმანს ხმის ინტონაციისა და ტემბრის შენარჩუნებით. HR აგენტს შეუძლია უპასუხოს თანამშრომლების კითხვებს კორპორატიული პოლიტიკის შესახებ ან მიაწოდოს ინფორმაცია ხელფასებისა და შეღავათების შესახებ. პროექტის მენეჯერი დაეხმარება პროექტის გეგმის შედგენაში. და ბოლოს, ფასილიტატორი მიიღებს შენიშვნებს გუნდების შეხვედრების დროს და შექმნის ამოცანების სიას. მიუხედავად იმისა, რომ ეს ინსტრუმენტები ადრეული ტესტირების ეტაპზეა, ისინი უკვე იწვევენ ინტერესს მათი პოტენციალის გამო - შეამცირონ ხარჯები და გააუმჯობესონ ბიზნეს პროცესები. 

აღსანიშნავია, რომ Copilot-ის დანერგვა ერთდროულად დაკავშირებულია მთელ რიგ გამოწვევებთან. როგორც მონაცემთა უსაფრთხოების გენერალურმა მენეჯერმა Herain Oberoi-მ აღნიშნა, ხელოვნური ინტელექტის ინსტრუმენტებზე გადასვლა გზას უხსნის ახალ დაუცველობას. ამ პრობლემის გადასაჭრელად Microsoft-ის შემოავაზებაა უსაფრთხოების ინსტრუმენტების განახლებული ნაკრები, მათ შორის Purview Data Loss Prevention, რომელიც საშუალებას იძლევა მოხდეს მონაცემების კლასიფიცირება და წვდომის კონტროლი, ასევე დაინერგოს მიკერძოებისგან დაცვის სისტემა AI მოდელებსა და აკრძალულ კონტენტში. ამავდროულად, ადმინისტრატორებს შეეძლებათ გააკონტროლონ თუ რომელი ხელოვნური ინტელექტის მოდელი უნდა იყოს გამოყენებული და რომელი არა პლატფორმა Azure-ზე ხელმისაწვდომი 1800-ზე მეტი ინსტრუმენტიდან. 

https://tinyurl.com/348k47yh