მაინერებმა ვერ შეძლეს მოპოვების აღდგენა ივნისში

[Magdalena]

 

ივლისის დასაწყისში მაინინგ კომპანიებმა განაცხადეს გასული თვის საქმიანობის შედეგების შესახებ.  

Marathon Digital Holdings 

ივნისში Marathon Digital Holdings-მა მოიპოვა 590 BTC, 40%-ით ნაკლები გასული წლის ანალოგიურ პერიოდთან შედარებით. მაისთან შედარებით ეს მაჩვენებელი 4%-ით შემცირდა. 

 

წყარო: Marathon Digital Holdings. 

პრეს-რელიზის მიხედვით ჰეშრეითი გაიზარდა 8%-ით 31.5 EH/s-მდე. გასულ თვეში საშუალო საოპერაციო მაჩვენებელი 2%-ით გაიზარდა და 26.3 EH/s შეადგინა. 

„და მაშინ, როცა მოპოვება წელიწადში 40%-ით 590 BTC-მდე შემცირდა - ძირითადად აპრილის განახევრების გამო, ტრანზაქციის საკომისიოები შეადგენდა მთლიანი რაოდენობის თითქმის 7%-ს“, - განაცხადა კომპანიის აღმასრულებელმა დირექტორმა ფრედ ტიელმა. 

2024 წლის 30 ივნისის მდგომარეობით Marathon-ს ბალანსზე ჰქონდა 18.536 BTC. კომპანიამ გადაწყვიტა არ გაეყიდა Bitcoin, მაგრამ დაადასტურა თავისი განზრახვა გაყიდოს აქტივების ნაწილი ციფრულ ოქროდ მომავალში „თვიური ოპერაციების, ხაზინის მართვისა და ზოგადად კორპორატიული მიზნების მხარდასაჭერად“. 

 

წყარო: Marathon Digital Holdings. 

თვის ბოლოს Marathon Digital-მა წამოიწყო საპილოტე პროექტი ფინეთში, რათა გამოიყენოს კრიპტოვალუტის მაინინგის დროს გამოთავისუფლებული სითბო სახლების გათბობისთვის. 

მოგვიანებით ცნობილი გახდა, რომ კომპანიამ დაიწყო Kaspa-ს (KAS) მოპოვება შემოსავლის დივერსიფიკაციის მიზნით. 

Argo Blockchain 

ზაფხულის პირველ თვეში Argo Blockchain-მა გამოიმუშავა 44 BTC (1.5 BTC დღეში). მაინინგის შემოსავალმა შეადგინა 2.9 მლნ აშშ დოლარი მაისის მაჩვენებლის ანალოგიურად. 

30 ივნისის მდგომარეობით Argo Blockchain ფლობდა 11 BTC-ის ექვივალენტს ციფრულ აქტივებში. 

Riot Platforms 

გასული თვის განმავლობაში Riot Platforms-მა მოიპოვა 255 BTC. ეს მაჩვენებელი მაისზე 19%-ით დაბალია და 2023 წლის ივნისთან შედარებით 45%-ით ნაკლები. 

კომპანია ფლობს 9334 BTC-ს. თვის ბოლოსთვის ჰეშრეითი შეფასდა 22 EH/s-ად. 

 

წყარო: Riot Platforms. 

„ივნისი ისტორიული თვე იყო Riot-ისთვის, რომლის დროსაც ჩვენ დავამატეთ დამატებით 7.3 EH/s კორსიკაზე A1 და A2 კორპუსებში და როკდეილის ადგილზე დამატებითი ხელმისაწვდომი სიმძლავრის გამოყენებით ჯამური მაჩვენებელი 22.0 EH/s-მდე მივიღეთ“. განაცხადა კომპანიის აღმასრულებელმა დირექტორმა ჯეისონ ლესმა. 

2024 წლის ბოლოსთვის Riot Platforms ელოდება ჰეშრეითის გაზრდას 31 EH/s-მდე. 

მანამდე კომპანიამ კონკურენტი Bitfarms-ის შეძენის წინადადება გააკეთა. ივნისში ამ უკანასკნელმა მიიღო გეგმა აქციონერთა უფლებების დასაცავად „შხამიანი აბების“ საშუალებით. Riot-მა შეძენილი კომპანიის საბჭოში სამი დამოუკიდებელი დირექტორი წარადგინა. 

HIVE Blockchain 

HIVE Blockchain Technologies-მა ივნისში აწარმოა 119 BTC (საშუალოდ 4 BTC დღეში), რამაც მისი რეზერვები 2%-ით გაზარდა. თვის ბოლოს მაინინგ კომპანია 2496 BTC-ს ფლობდა. 

საშუალო ჰეშრეითი იყო 4.7 EH/s, HIVE-მა თვეს 4.9 EH/s-ით დაამთავრა. 

”ჩვენ ველით, რომ სულ 2.150 S21 Pro მაინერი გაიგზავნება მომავალ კვირას, რაც გაზრდის HIVE-ის საერთო ოპერაციულ ჰეშრეითს 5.5 EH/s-მდე და სიჩქარეს 24.5 J/TH-მდე. HIVE მოელის, რომ ეს მოწყობილობები დამონტაჟდება ივლისის ბოლოსთვის“, - განაცხადა HIVE-ს პრეზიდენტმა აიდინ კილიჩმა. 

Bitfarms 

ივნისში Bitfarms-მა მოიპოვა 189 BTC მაისში მოპოვებულ 156 BTC-თან შედარებით (+21%). თვის ბოლოს ჰეშრეითი შეადგენდა 10.4 EH/s-ს. 

 

წყარო: Bitfarms. 

„ჩვენ ვაგრძელებთ პროგრესს აღჭურვილობის განახლებისა და ახალი ობიექტების მშენებლობაში, განვათავსეთ 39000-ზე მეტი ახალი მაინერი და განვახორციელეთ 39000-ზე მეტი ძველი მოწყობილობის დემონტაჟი მიმდინარე წელს. ჩვენ დავასრულეთ თვე 11.4 EH/s-ის დონეზე - ექსპლუატირებული 10.4 EH/s-ით და 25 ვტ/TH ეფექტურობით,” - განაცხადა Bitfarms-ის მაინინგის მთავარმა დირექტორმა ბენ განიონმა. 

კომპანიამ გაყიდა 134 BTC და მიიღო 8.8 მლნ აშშ დოლარი. Bitcoin-ების რაოდენობა იყო 905 (დაახლოებით 55.2 მლნ აშშ დოლარი 30 ივნისის მდგომარეობით). 

 

წყარო: Bitfarms. 

Bit Digital 

Bit Digital-მა გამოიმუშავა 61.7 BTC ივნისში - 2.5%-ით ნაკლები წინა პერიოდთან შედარებით. 

თვის ბოლოს კომპანიის ჰეშრეითი იყო დაახლოებით 2.57 EH/s. Bit Digital-მა შეაფასა სახაზინო რეზერვები პირველ და მეორე კრიპტოვალუტაში 585.9 BTC-ად და 29.927.9 ETH-ად, რომელთა სამართლიანი საბაზრო ღირებულებაა დაახლოებით 36.7 მილიონი და 102.7 მლნ აშშ დოლარი შესაბამისად (30 ივნისის მდგომარეობით). კომპანიის ფულადი სახსრები და მათი ეკვივალენტები შეადგენდა 60.8 მლნ აშშ დოლარს. 

მაინინგ კომპანიების ფასიანი ქაღალდების დინამიკა ბოლო ხუთი დღის განმავლობაში (2024 წლის 12 ივლისის მდგომარეობით): 

• Marathon Digital Holdings (MARA): -3.21%; 

• Argo Blockchain (ARBK): -3.48%; 

• Riot Blockchain (RIOT): +1.64%; 

• HIVE Blockchain (HIVE): +17.38%; 

• Bitfarms (BITF): +5.6%; 

• Bit Digital (BTBT): 16.89%. 

შეგახსენებთ, რომ 15 ივნისს JPMorgan-ის დაკვირვების ქვეშ არსებული 14 მაინინგ კომპანიის საბაზრო ღირებულებამ ისტორიულ მაქსიმუმს, 22.8 მლრდ აშშ დოლარს მიაღწია. 

https://tinyurl.com/n93y47tr