Magdalena Posted February 21, 2023 Share Posted February 21, 2023 კომპანია Intel-მა წარადგინა Sapphire Rapids სერიის პროცესორები, რომლებიც განკუთვნილია მძლავრი სამუშაო სადგურების აწყობისთვის. ახალი პროცესორები შევიდა სერიებში Xeon W-3400 და Xeon W-2400. Intel ფლაგმანურ Xeon w9-3495X-ს უწოდებს თავის ყველაზე მძლავრ დესკტოპ პროცესორს, რაც ოდესმე გამოუშვია სამუშაო სადგურებისთვის. უფროსი Xeon W-3400 სერიის ჩიპებში მოცემულია 12-დან 56-მდე ბირთვი. გამოყენებულია Golden Cove ბირთვები Hyper-Threading ტექნოლოგიის მხარდაჭერით, რაც იმას ნიშნავს, რომ პროცესორებს აქვთ ორჯერ მეტი ნაკადი ბირთვებთან შედარებით. საბაზისო სიხშირეებია 1.9-დან 3.2 გჰც-მდე, მაქსიმალური კი 4.8 გჰც-ს აღწევს. ამ სერიის ზოგ ჩიპზე მხარდაჭერილია აჩქარების შესაძლებლობა, მათ შორისაა 56-ბირთვიანი ფლაგმანი Xeon w9-3495X. TDP-ის დონე შეადგენს 270-დან 350-მდე ვატს მოდელის მიხედვით. უმცროს Xeon W-2400 სერიაში წარმოდგენილ პროცესორებს აქვს 6-დან 24-მდე ბირთვი, თითოეულ ბირთვზე მოდის ორი ნაკადი. საბაზისო ტაქტის სიხშირის დიაპაზონია 2.1-დან 3.2 გჰც-მდე, მაქსიმალური Turbo-სიხშირე კი უფროს მოდელებში აღწევს 4.8 გჰც-ს. ამავე დროს უფროს ჩიპებს განბლოკილი მულტიპლიკატორი აქვთ, რის გამოც შესაძლებელია მათი აჩქარება. TDP-ის დონე შედგენს 120-225 ვატს. ახალ პროცესორებში ხელმისაწვდომია 105 მბ-მდე მესამე დონის ქეშ-მეხსიერება. Xeon W-2400 სერიის ჩიპებს აქვთ ოპერატიული მეხსიერების ოთხი არზი და 2 ტბ-მდე 4800 მჰც DDR5-ის მხარდაჭერა. Xeon W-3400 სერიაში მხარდაჭერილია მეხსიერების რვა არხი და 4 ტბ-მდე DDR5 იმავე სიხშირით. ორივე სერიაში მხარდაჭერილია ECC-მეხსიერება. განბლოკილ პროცესორებში შესაძლებელია ოპერატიული მეხსიერების, მათ შორის DDR5 XMP 3.0 RDIMM პროფილის, აჩქარებაც. Xeon W-3400 სერიის პროცესორებში მოცემულია 112 PCIe 5.0 არხი, უმცროს სერიაში - ამავე სტანდარტის 64 არხი. ყველა ახალი ჩიპი დამზადებულია LGA 4677 სოკეტისთვის და იმუშავებს W790 ჩიპსეტთან. მხარდაჭერილია Wi-Fi 6E და სადენიანი 2.5G Ethernet. წარმადობას რაც შეეხება, Intel აცხადებს, რომ სიჩქარე 28%-ით გაიზარდა ერთნაკადიან ამოცანებში, ხოლო 120%-ით - მრავალნაკადიანში წინა თაობის ჩიპებთან - Xeon W-3200 (Cascade Lake) შედარებით. ამასთან, სლაიდებზე ჩანს, რომ ახალი Xeon w9-3495X 140%-ით უსწრებს Xeon W-3275-ს, თუმცა ზოგ ამოცანაში განსხვავება შედარებით ნაკლებია. სამუშაო სადგურებისთვის განკუთვნილი პროცესორების ფასი 359 აშშ დოლარიდან იწყება (6-ბირთვიანი Xeon w3-2423) და მთავრდება 5889 აშშ დოლარით (ფლაგმანური 56-ბირთვიანი Xeon w9-3495X). ჩიპები გაყიდვაში გამოვა მარტში, წინასწარი შეკვეთების მიღება უკვე დაწყებულია. https://tinyurl.com/4dmz8s3c Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.