Magdalena Posted November 18, 2022 Share Posted November 18, 2022 ყოველწლიურ ღონისძიება Snapdragon Summit 2022-ის ფარგლებში კომპანია Qualcomm Technologies-მა ოფიციალურად წარადგინა უახლესი, ყველაზე მაღალი დონის მობილური პლატფორმა Snapdragon 8 Gen 2. ეს პროცესორი საფუძვლად დაედება სხვადასხვა კომპანიის ფლაგმანურ სმარტფონებს, როგორებიცაა ASUS, Honor, iQOO, Motorola, OPPO, Sony, Xiaomi და სხვები. ფოტოს წყარო: videocardz.com Snapdragon 8 Gen 2 მოიცავს რვაბირთვიან ცენტრალურ პროცესორს, რომელშიც ბირთვები სამ კლასტერადაა დაყოფილი. ყველაზე მძლავრ ბირთვ Kryo Prime-ის ტაქტის სიხშირეა 3.2 გჰც. შემდეგ სიმძლავრით მოდის ოთხი ბირთვი 2.8 გჰც სიხშირით, ბოლოს კი - სამი ენერგოეფექტური ბირთვი სიხშირით 2.0 გჰც. უნდა აღინიშნოს, რომ წინამორბედს ჰქონდა სამი მძლავრი და ოთხი ენერგოეფექტური ბირთვი ბოლო ორ კლასტერში. Qualcomm-ის თქმით ახალი CPU 35%-ით სწრაფი და 40%-ით უფრო ენერგოეფექტურია Snapdragon 8 Gen 1-ის პროცესორთან შედარებით. ახალ ჩიპს აქვს მოწინავე ხელოვნური ინტელექტის პროცესორი Hexagon, რომელიც Snapdragon 8 Gen 2-ზე მომუშავე სმარტფონებს საშუალებას აძლევს უკეთ გაუმკლავდნენ სხვადასხვა ენაზე ონლაინ-თარგმნას და ხმოვანი ბრძანებების აღქმას. კომპანიის მონაცემებით ახალი პლატფორმის ხელოვნური ინტელექტის ქვესისტემა უზრუნველყოფს 4.35-ჯერ მაღალ წარმადობას წინამორბედთან შედარებით. წარმოდგენილი პლატფორმა სიგნალის პროცესორის ხარჯზე თავსებადია 200-მეგაპიქსელიან Samsung ISOCELL HP3 სენსორთან, რომელიც სპეციალურად ოპტიმიზებულია ამ პროცესორზე. მხარდაჭერილია ხელოვნური ინტელექტით ფოტოებისა და ვიდეოების ხარვეზების ავტომატური გამოსწორების ფუნქცია. აღვნიშნავთ, რომ Snapdragon 8 Gen 2-ზე მხარდაჭერილია AV1 კოდეკი 8K HDR ვიდეოს გაშვების შესაძლებლობით 60 კადრი წამში სიჩქარეზე (თუმცა იგი 8K გადაღების საშუალებას მხოლოდ 30 FPS-ზე იძლევა). განახლებული გრაფიკული ამაჩქარებელი Adreno უზრუნველყოფს 25%-ით მაღალ წარმადობას Snapdragon 8 Gen 1-თან შედარებით. ერთკრისტალიანი Snapdragon 8 Gen 2 პლატფორმები წარმოებული იქნება TSMC-ის მიერ 4-ნანომეტრიანი ტექნოპროცესის გამოყენებით. Snapdragon 8 Gen 2 არის ყველაზე მოწინავე მობილური პლატფორმა მეხუთე თაობის (5G) საკომუნიკაციო ქსელების მხარდაჭერით. 5G ქსელებში მუშაობას უზრუნველყოფს მოდემი Snapdragon X70 5G (მონაცემების ჩამოტვირთვის სიჩქარეა 10 გბ/წმ-მდე, ატვირთვის - 3.5 გბ/წმ-მდე). დეველოპერებმა ასევე დანერგეს FastConnect 7800 ტექნოლოგიის მხარდაჭერა, რომელიც უზრუნველყოფს Wi-Fi 7 კავშირს მინიმალური შეყოვნებით და 5.8 გბ/წმ-მდე სიჩქარით. „ჩვენ ვცდილობთ მომხმარებლებს მეტის კეთების შესაძლებლობა მივცეთ, ამიტომ Snapdragon-ს ვქმნით მომხმარებლების ყველა ინტერესის გათვალისწინებით. Snapdragon 8 Gen 2 რევოლუციას მოახდენს ფლაგმანურ სმარტფონებში 2023 წელს“, - განაცხადა Qualcomm-ის ვიცე-პრეზიდენტმა და კომპანიის მობილური განყოფილების ხელმძღვანელმა კრის პატრიკმა. https://tinyurl.com/5a4fyhxb Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.