Magdalena Posted November 17, 2022 Share Posted November 17, 2022 GeForce RTX 4080 გრაფიკული ბარათის გაყიდვამდე რამდენიმე დღით ადრე AMD-მ გადაწყვიტა პოტენციური მყიდველების ყურადღება გადაეტანა ახლახანს წარმოდგენილ Radeon RX 7900 სერიის გრაფიკულ ბარათებზე, რომლებიც დამყარებულია ახალ RDNA 3 არქიტექტურაზე. AMD-მ აღნიშნა დეტალები, რამაც, მისი აზრით, უნდა დაარწმუნოს კომპიუტერის მფლობელები - მის ამაჩქარებლებზე გააკეთონ არჩევანი. ფოტოს წყარო: AMD AMD-მ ადრე დაადასტურა, რომ GeForce RTX 4080 იქნება Radeon RX 7900 XTX და RX 7900 XT ვიდეო ბარათების მთავარი კონკურენტი. ამრიგად, GeForce RTX 4090 დარჩება ყველაზე სწრაფ გეიმინგ ვიდეო ბარათად, ყოველ შემთხვევაში, უახლოეს მომავალში. Radeon RX 7900 XTX-ის, RX 7900 XT-ისა და GeForce RTX 4080-ის მახასიათებლები Radeon RX 7900 XTX-ის ეტალონურ ვერსიას აქვს ოცფაზიანი კვების ქვესისტემა VRM, რაც სამით მეტია GeForce RTX 4080 Founders Edition ეტალონურ მოდელთან შედარებით. AMD Radeon RX 7900 ვიდეო ბარათის დაფა AMD ასევე ამახვილებს ყურადღებას იმ ფაქტზე, რომ მისი ახალი ვიდეო ბარათები უფრო კომპაქტურია, ვიდრე კონკურენტის. ისინი უფრო მოკლე და თხელია, ვიდრე GeForce RTX 4080 Founders Edition. გარდა ამისა, GeForce RTX 40 სერიის ბარათებისგან განსხვავებით, Radeon RX 7900 XTX და RX 7900 XT ამაჩქარებლები აღჭურვილია DisplayPort 2.1 და USB Type-C კონექტორებით. AMD კიდევ ერთხელ გვახსენებს, რომ კონკურენტისგან განსხვავებით მისი ახალი ვიდეო ბარათები არ საჭიროებს რაიმე გადამყვანის და კვების ახალი კონექტორების გამოყენებას. ბარათები აღჭურვილია ორი ჩვეულებრივი 8-პინიანი PCIe კვების კონექტორით, რის შედეგად ისინი სრულად თავსებადია უმეტეს კვების წყაროსთან. ასევე სამართლიანია აღინიშნოს, რომ 900-1200 აშშ დოლარი ფასის დიაპაზონში AMD-ის ვიდეო ბარათები გვთავაზობენ მეტ ვიდეომეხსიერებას. Radeon RX 7900 XTX-ს აქვს 24 გბ GDDR6, Radeon RX 7900 XT მოდელს - 20 გბ GDDR6. ფლაგმანურ GeForce RTX 4090-ს აქვს 24 გბ უფრო სწრაფი GDDR6X მეხსიერება, თუმცა მისი სარეკომენდაციო ფასი 1600 აშშ დოლარს შეადგენს. GeForce RTX 4080 მოდელში კი ხელმისაწვდომია მხოლოდ 16 გბ GDDR6X და მისი სარეკომენდაციო ფასია 1200 აშშ დოლარი. სამწუხაროდ, არც AMD და არც NVIDIA ჯერ არ არიან მზად უშუალოდ შეადარონ თავიანთი ამაჩქარებლების წარმადობა ერთმანეთს. ვინაიდან GeForce RTX 4080 გაყიდვაში ჯერ არ გამოსულა, AMD თავის RDNA 3 გრაფიკულ ბარათებს ადარებს თავის წინა თაობის ფლაგმანურ ამაჩქარებელს, Radeon RX 6950 XT-ს. Radeon RX 7900 XTX და RX 7900 XT ვიდეო ბარათების წარმადობა კომპანიამ გააზიარა ორი გრაფიკი. მათ თანახმად, ახალი თაობის ვიდეო ბარათების რასტრული წარმადობა თამაშებში 4K გაფართოებაზე 67%-ით მაღალია Radeon RX 6950 XT-თან შედარებით, ახალი ვიდეო ბარათების რეითრეისინგის წარმადობა კი 82%-ით მეტია RDNA 2 არქიტექტურის ფლაგმან Radeon-თან შედარებით. Radeon RX 7900 XTX-სა და RX 7900 XT-ის რეითრეისინგის წარმადობა Radeon RX 7900 XTX-ისა და Radeon RX 7900 XT ბარათების გაყიდვის დაწყებამდე კიდევ ერთი თვე რჩება. მათი გამოშვება 13 დეკემბრისთვისაა დაგეგმილი. https://tinyurl.com/3mc7z5hn 1 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.