Magdalena Posted October 29, 2022 Share Posted October 29, 2022 ახლო მომავალში Ryzen 7000 სერიის პროცესორებს რამდენიმე ახალი მოდელი შეემატება. ცნობილი გახდა, რომ Ryzen 7 7700 მოდელის შესახებ მონაცემები გამოჩნდა სინთეტიკურ ტესტ Geekbench-ის მონაცემთა ბაზაში. ამავე ბაზაში გამოჩნდა მოდელები Ryzen 7 7800X და Ryzen 3 7300X, რომლებიც ასევე ვერ მოხვდნენ Zen 4 არქიტექტურის დესკტოპ პროცესორების პირველ ტალღაში. ფოტოს წყარო: AMD წინამორბედ Ryzen 7 5800X-თან შედარებით Ryzen 7 7800X მოდელს ორით მეტი ბირთვი აქვს. ამრიგად, იგი შესაძლოა გახდეს AMD Ryzen სერიის პირველი დესკტოპ პროცესორი 10 ბირთვითა და 20 ნაკადით. Geekbench-ის მონაცემებით ჩიპი უზრუნველყოფს ავტომატურ აჩქარებას 5.4 გჰც-მდე და აქვს 64 მბ L3 ქეშ-მეხსიერება, რაც ორჯერ მეტია Ryzen 7 7700X-თან შედარებით. ეს გასაკვირი არ არის, რადგან 10 ბირთვი დაკომპლექტებულია ორი ჩიპლეტით, ხოლო Ryzen 7 7700X-ს აქვს მხოლოდ ერთი რვაბირთვიანი კრისტალი. ფოტოს წყარო: Geekbench პროცესორი გაიტესტა დედა დაფა Gigabyte Aorus B650-ზე. წარმადობის ერთნაკადიან ტესტში Ryzen 7 7800X-მა მოაგროვა 2097 ქულა, მრავალნაკადიანში - 16 163 ქულა. მრავალნაკადიანი წარმადობით ახალი პროცესორი ამჟამინდელი მდგომარეობით დაახლოებით 15%-ით უსწრებს Ryzen 7 7700X მოდელს. Ryzen 7 7800X-ის შედეგები. ფოტოს წყარო: Geekbench Geekbench-ის მონაცემთა ბაზაში ასევე მოცემულია ინფორმაცია ოთხბირთვიან და რვანაკადიან მოდელ Ryzen 3 7300X-ის შესახებ. ბენჩმარკის თანახმად ეს პროცესორი უზრუნველყოფს ავტომატურ აჩქარებას 5.0 გჰც-მდე და აქვს 32 მბ L3 ქეშ მეხსიერება. ფოტოს წყარო: Geekbench Ryzen 3 7300X-მა ერთბირთვიან ტესტში დააგროვა 1984 ქულა, მრავალნაკადიანში - 7682 ქულა. Ryzen 3 7300X-ის შედეგები. ფოტოს წყარო: Geekbench გასათვალისწინებელია, რომ Geekbench-ის ტესტებში, დიდი ალბათობით, მონაწილეობდნენ პროცესორის ინჟინრული ნიმუშები, რომლებიც შესაძლოა ფინალური სამომხმარებლო ვერსიებისგან განსხვავდებოდნენ სიხშირისა და ენერგომოხმარების მაჩვენებლებით. https://tinyurl.com/bd4jfbav Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.