Magdalena Posted April 5, 2021 Share Posted April 5, 2021 ცნობილმა ინტერნეტ-დეტექტივმა Tum_Apisak-მა გააზიარა დისკრეტული გრაფიკული ამაჩქარებლის, Intel Iris Xe DG1 ტესტირების პირველი შედეგები. Basemark GPU ტესტის თანახმად ახალ პროდუქტს აქვს წარმადობის დაახლოებით იგივე დონე, როგორც AMD Radeon RX 550 გრაფიკულ ბარათს, რომელიც ბაზარზე ოთხი წლის წინ გამოჩნდა. ტესტში მონაწილეობდა Asus-ის წარმოების DG1-4G ვიდეო დაფა. მას აქვს Iris Xe Max-ის შემცირებული ვარიანტის GPU, რომლის შემადგენლობაში გამოყენებულია მხოლოდ 80 შემსრულებელი ბლოკი (640 შეიდერული ბირთვი). დაფას აქვს 4 გბ LPDDR4-4266 ვიდეომეხსიერება 128-ბიტიანი სალტით. GPU-ს სიხშირისა და მეხსიერების შესახებ სამწუხაროდ ტესტირებიდან ცნობილი არ გამხდარა. შედარებისთვის, ASUS Radeon RX 550 4G მოდელს აქვს 512 შეიდერული ბირთვი საბაზისო 1100 მჰც სიხშირით. დატვირთვისას GPU-ის სიხშირე 1183 მჰც-მდე იზრდება. ამ მოდელს გააჩნია 4 გბ GDDR5 ვიდეოემეხსიერება ეფექტური 7 გჰც სიხშირით, აგრეთვე მხარდაჭერილია 128-ბიტიანი მეხსიერების სალტე. Radeon RX 550 დაფის მეხსიერების თეორიული სიჩქარე 112 გბ/წმ-ს შეადგენს. ორივე სისტემა, რომელთა შემადგენლობაში მოხდა ზემოთხსენებული ვიდეო დაფის ტესტირება, მუშაობდნენ ერთსა და იმავე Intel Core i3-10100F პროცესორზე. სხვა სიტყვებით, ორივე ვიდეო დაფას თანაბარი პირობები ჰქონდა ტესტის მსვლელობისას. ასევე უნდა აღინიშნოს, რომ Intel Iris Xe DG1 მეტად პრეტენზიულია პლატფორმის არჩევისას: ვიდეო დაფა იმუშავებს მხოლოდ მე-9 და მე-10 თაობის პროცესორებთან Intel B460, H410, B365 და H310C ჩიპსეტების მქონე დედა დაფების შემადგენლობაში. უფრო მეტიც, DG1-ის მუშაობისთვის საჭიროა სპეციალური პროგრამული უზრუნველყოფა. Basemark GPU-ის მონაცემებით, ტესტ Vulkan-ში Intel-ის ახალმა დაფამ მოაგროვა 17289 ქულა. Radeon RX 550 დაფის შედეგია 17619 ქულა იმავე ტესტში. ამრიგად, AMD-ის წარმომადგენელი აღმოჩნდა დაახლოებით 1.9%-ით სწრაფი Intel-ის დისკრეტულ ვიდეო დაფასთან შედარებით. Intel DG1 გვევლინება, როგორც საწყისი დონის გრაფიკა და იგი განკუთვნილია OEM-დეველოპერების მზა პერსონალური კომპიუტერებისთვის. https://bit.ly/31HjIXM Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.