Magdalena Posted November 6, 2020 Share Posted November 6, 2020 თავის დროზე ილონ მასკმა უარი თქვა Tesla-ს ხელმძღვანელის სრულფასოვან ხელფასზე და არჩია შემოსავალი მიეღო ფიქსირებულ ფასად ოფციონებისა და აქციების შეძენის შედეგად. ამგვარმა მიდგომამ მას საშუალება მისცა მიეღო არანაკლებ 11 მლრდ აშშ დოლარი თანაც მხოლოდ მიმდინარე წლის პირველ ნახევარში. იგი ამტკიცებს, რომ ფული მიმართულია მარსის კოლონიზაციის დაჩქარებისკენ. ფოტოს წყარო: AFP, Getty Images Tesla-ს დამფუძნებელმა მორიგი მიმოწერა განათავსა Twitter-ზე. მან ჯერ კიდევ 2018 წელს თქვა უარი თავისი, როგორც გენერალური დირექტორის ხელფასზე, თუმცა აღიარა, რომ იმ დროს არ ელოდა აქციების ასე სწრაფ და დიდ გაზრდას. ნებისმიერ შემთხვევაში, მასკმა პირობა დადო, რომ აქციების ამგვარი სქემის რეალიზაციის შედეგად მიღებული ფულის დახარჯვას იგი აპირებს უახლოეს ორ ათწლეულში ადამიანების მარსზე გასამგზავრებელი კოსმოსური მისიების მომზადებაში. მასკმა კიდევ ერთი საინტერესო რამ განაცხადა. მისი თქმით, 2017 წლის შუა პერიოდიდან 2019 წლის შუა პერიოდამდე დროში, როდესაც Tesla აქტიურად ზრდიდა ელექტრომობილ Model 3-ის წარმოების მოცულობას, კომპანია არსებობის ისტორიაში ყველაზე ახლოს იდგა გაბანკროტებასთან. რეალურად, როგორც მასკმა განმარტა, კომპანია გაკოტრებისგან იხსნა საბრუნავი კაპიტალის მარაგმა. ყველაზე საინტერესო ის არის, რომ Tesla-ს ხელმძღვანელობა იმ დროს აცხადებდა, რომ Model 3-ის წარმოებისთვის კომპანიას ჰყოფნიდა საკუთარი ფინანსები, მოზიდული დამატებითი კაპიტალი კი საჭირო იყო მხოლოდ უსაფრთხოებისთვის ისეთ შემთხვევაში, თუ კონკურენტის ბაზარზე გაუთვალისწინებელი ცვლილებები მოხდებოდა. კომპანიას გაუჭირდა პანდემიის პირველ ეტაპზე კალიფორნიაში კონვეირების გათიშვის დროს, მაგრამ მან ბოლო კვარტალი ოპერაციული მოგებით დაასრულა ისევე, როგორც წინა ოთხი. Tesla არ კარგავს იმედს, რომ ამ წლის ბოლოსთვის დაახლოებით 500 ათასი ელექტრომობილის მიწოდებას შეძლებს და ასევე უახლოეს წლებში ელოდება ამ ტიპის პროდუქციის წარმოების მოცულობის ზრდას. https://bit.ly/2I9C6Ca Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.