Magdalena Posted September 3, 2020 Share Posted September 3, 2020 რამდენიმე დღის წინ სამხრეთკორეულმა კომპანია Samsung-მა წარადგინა თავისი პირველი M.2 NVMe SSD 980 Pro - PCI-Express 4.0 ინტერფეისის მხარდაჭერით. მოწყობილობის მახასიათებლები მართლაც შთამბეჭდავია, თუმცა პირველი არ ნიშნავს საუკეთესოს. კომპანია Sabrent-მა გადაწყვიტა ეს გამოთქმა კიდევ ერთხელ დაემტკიცებინა და დააანონსა თავისი „საიდუმლო იარაღი“ – NVMe SSD-ების სერია Rocket 4 Plus, რომელიც მახასიათებლებით სამხრეთკორეულ კონკურენტს აღემატება. Sabrent-მა განაახლა თავისი პოპულარული სერია SSD Rocket NVMe 4.0 მოდელებით - Rocket 4 Plus, რომლებიც გვთავაზობს უფრო მეტ სიჩქარეს. სერია წარმოდგენილია 500 გბ, 1 ტბ, 2 ტბ მეხსიერების მქონე მოდელებით. ახალი Sabrent Rocket 4 Plus M.2 SSD-ების თანამდევი წაკითხვის სიჩქარე Samsung-ის მსგავს მაჩვენებელს - 7000 მბ/წმ-ს აღწევს, თუმცა ჩაწერის მაქსიმალური სიჩქარის მაჩვენებელმა შესაძლოა მიაღწიოს 6850 მბ/წმ-ს (Samsung-ის შემთხვევაში ეს არის 5000 მბ/წმ), შედეგად Sabrent-ის ქმნილება მსოფლიოში M.2 ფორმატის ყველაზე სწრაფი SSD გახლავთ. Sabrent-ის SSD-ები აგებულია TLC NAND მეხსიერების ჩიპების გამოყენებით და საფუძვლად უდევს მეხსიერების ახალი კონტროლერი Phison E18. SSD წარმოდგენილია გაგრილების მასიური ალუმინის რადიატორითა და სამი სითბური მილით. სამწუხაროდ, ახალი Sabrent Rocket 4 Plus SSD-ების ფასის შესახებ ამჟამად ცნობილი არ არის. https://bit.ly/3bj0jjF Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.