Magdalena Posted April 3, 2020 Share Posted April 3, 2020 ROG Zephyrus სერიის ულტრათხელი გეიმინგ ლეპტოპების მსგავსად კომპანია ASUS-მა განაახლა ROG Strix სერიაც, რომელიც უფრო განვითარებულ მობილურ გეიმინგ კომპიუტერების სერიად ითვლება. ლეპტოპებმა მიიღეს გაზრდილი წარმადობა, გაუმჯობესებული გაგრილების სისტემა, ახალი ტექსტურა და ფერი, ასევე მოხდა გათვლა მდედრობითი სქესის გეიმერების გემოვნებაზე. 15.6-დუიმიანი ვერსია ROG Strix G15 (G512) და 17.3-დუიმიანი მოდელი G17 (G712) წარმოდგენილნი არიან IPS Full HD ეკრანებით, კადრის განახლების სიხშირეა 240 ჰერცი, რეაქციის დრო - 3 მილიწამი, ორივე მათგანს აქვს ოპტიმიზებული გაგრილების სისტემა. კომპიუტერებს აქვს მეათე თაობის Intel Core პროცესორები (i7-10750H, i7-10875H, i5-10300H), ვიდეო დაფა NVIDIA RTX 2070 Super და DDR4 სტანდარტის 32 გბ-მდე მეხსიერება 3200 მეგაჰერცი სიხშირით. ტრადიციული შავი ფერის მოდელის გარდა დაემატა ლურჯი (Glacier Blue ) და Electro Punk ვერსიები. სასარგებლო სიახლეა ლეპტოპის ქვედა ნაწილში შეტანილი ცვლილება, რაც წვდომას ამარტივებს ისეთ კომპონენტებთან, როგორებიცაა ოპერატიული მეხსიერების მოდულები და SSD დაფები ისეთ შემთხვევაში, თუკი მომხმარებელი თავად მოისურვებს სისტემის მოდერნიზაციას. 15-და 17-დუიმიან მოდელებს აქვთ ორი M.2 NVMe PCIe, რომელთა ჯამური მოცულობა 1 ტერაბაიტს აღწევს და მუშაობენ RAID 0 აჩქარების რეჟიმში, მესამე სლოტის გამოყენება კი შესაძლებელია დისკური სივრცის გაფართოებისთვის. Strix G512 და G712 მოდელებში თერმოპასტის ნაცვლად „თხევადი ლითონის“ გამოყენების შედეგად უზრუნველყოფილია უფრო ეფექტური გაგრილება და წარმადობის დაახლოებით 10 %-იანი ზრდა. ამ მასალის გამოყენების შედეგად შესაძლებელი გახდა წინანდელ კორპუსში უფრო მძლავრი აღჭურვილობის დაყენება. ლეპტოპები სამგვარი ფერისაა: Original Black, Glacier Blue და Electro Punk, იდენტური დიზაინი აქვს საფირმო აქსესუარებს: მაუსს, მაუსპედს, ყურსასმენსა და ჩანთას. ამასთან, მომხმარებლები შეძლებენ შეცვალონ მოწყობილობის სტილი Aura Sync კლავიატურის წყალობით, რომელიც წარმოდგენილია RGB-განათებითა და ლეპტოპის კიდეებზე ორიგინალური მანათობელი ზოლებით. კომპიუტერების Wi-Fi 6 კავშირის მოდულს მოქმედების გაფართოებული რადიუსი აქვს. USB-C პორტს აქვს DisplayPort-ის სტანდარტის მხარდაჭერა კვების გადაცემის გარდა. ინტეგრირებული მოდულის მოცულობა 66 ვტ/სთ-ია. G512 მოდელის ზომებია 36 × 27,5 × 2,58 სმ, წონა - 2.4 კგ. G712 ვერსიისა კი - 39,97 × 29,34 × 2,65 სმ, წონა - 2.85 კგ. ანალოგიურად განახლდა გაცილებით მოწინავე მოდელები - ROG Strix SCAR 15 და 17, თუმცა მათი კადრის განახლების სიხშირე 300 ჰერცია, რეაქციის დრო 3 მილიწამი და აქვთ განათების უფრო მძლავრი სისტემა. ლეპტოპებს დისპლეის სამ მხარეს მეტად წვრილი ჩარჩოები აქვთ, რაც მათ ელეგანტურ და კომპაქტურ იერსახეს სძენს. კომპიუტერები წარმოდგენილი იქნება 16-ნაკადიანი Intel Core i9 10980HK ან i7-10875H პროცესორებით, NVIDIA RTX 2070 Super ვიდეო დაფით, რომლის სიხშირეა 1540 მჰც და აჩქარების რეჟიმში მოიხმარს 115 ვატს. სპეციალური, განსაკუთრებული მოდელი Strix SCAR 17 წარმოდგენილია უმძლავრესი GeForce RTX 2080 Super ვიდეო ბარათით, რომელსაც აქვს ავტომატური აჩქარება ROG Boost 1560 მჰც-მდე 150 ვატის მოხმარებისას. გაგრილების გაძლიერებული მოდული მოიცავს 4 რადიატორსა და 6 სითბურ მილს, ლეპტოპი 1.5 მილიმეტრით სქელია სტანდატულ ვერსიასთან შედარებით. კომპანია განსაკუთრებულად უსვამს ხაზს, რომ მიუხედავად ლეპტოპის შთამბეჭდავი წარმადობისა, იგი კომპანიის სხვა გეიმინგ მოწყობილობებზე გაცილებით კომპაქტურია. G532 და G732 მოდელები დაკომპლექტებულია 66 ვტ/სთ მოცულობის ბატარეებით, მათი ზომებია 36,03 × 27,5 × 2,5 სმ / 2.57 კგ და 40 × 29,3 × 2,6 სმ / 2.85 კგ, შესაბამისად. https://3dnews.ru/1006927 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.