Magdalena Posted July 11, 2019 Share Posted July 11, 2019 კომპანია Nintendo-მ ოფიციალურად წარადგინა ახალი პორტატული კონსოლი Switch Lite, რომელიც შედარებით გამარტივებული მოწყობილობაა და ფასის მხრივაც უფრო ხელმისაწვდომია 2017 წელს გამოსულ Switch-ის სრულფასოვან ვერსიასთან შედარებით. კომპანია ახალ კონსოლს წარმოგვიდგენს, როგორც კიდევ უფრო მობილურ გადაწყვეტილებას, რომელიც განსაკუთრებით მათ მოეწონებათ, ვინც უფრო დიდ უპირატესობას სახლს გარეთ თამაშს ანიჭებს. სრულფასოვანი ვერსიისგან განსხვავებით შეუძლებელია ახალი Switch Lite-ის ტელევიზორთან დაკავშირება. შესაბამისად, ახალ კონსოლს არ აქვს Nintendo Switch-ის ყველა იმ თამაშის მხარდაჭერა, რომლებიც მუშაობს პორტატულ რეჟიმში. ორიგინალი ვერსიისგან კიდევ ერთი განსხვავება ის გახლავთ, რომ ახალ კონსოლს არ აქვს მოსახსნელი კონტროლერი Joy-Con. მართვის ყველა დეტალი განთავსებულია კორპუსზე დისპლეის გვერდებზე. რაც შეეხება დისპლეის, Switch Lite-ის ეკრანი სენსორულია, 5.5-დუიმიანი, გაფართოება კი 1280 х 720 პიქსელს შეადგენს. ორიგინალი Switch-ის მსგავსად ახალ კონსოლშიც გამოყენებულია ცალკრისტალიანი პლატფორმა NVIDIA Tegra, თუმცა მისი მახასიათებლები არ ხმაურდება. კონსოლს აქვს 32 გბ ინტეგრირებული მეხსიერება და გააჩნია microSD ბარათის სლოტი. მოწყობილობაში წარმოდგენილია Wi-Fi 802.11ac და Bluetooth 4.1 ადაპტერები, NFC მოდული, USB Type-C პორტი და 3.5-მილიმეტრიანი აუდიო კონექტორი. Switch Lite-ის კორპუსის გაბარიტებია 208 х 91,1 х 13,9 მმ - იგი ზომით ჩამოუვარდება ორიგინალს (239 x 102 x 13,9 მმ). კონსოლი იწონის 275 გრამს (ორიგინალი - 297 გ.). ფერების მხრივ მომხმარებლებს შეუძლიათ არჩევანი გააკეთონ ყვითელ, ნაცრისფერ და ფირუზისფერ ვარიანტებს შორის. კვებას უზრუნველყოფს 3570 მა.სთ მოცულობის ბატარეა, რომლის წყალობითაც კონსოლის მუშაობის ხანგრძლივობა დაახლოებით 6 საათია. Nintendo Switch Lite გეიმინგ-კონსოლი გაყიდვაში 20 სექტემბერს გამოვა და გაიყიდება 199 აშშ დოლარად. https://overclockers.ru/hardnews/show/98184/nintendo-predstavila-polnostju-portativnuju-konsol-switch-lite-za-199 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.