Jump to content

Facebook გამოუშვებს ექსპერიმენტულ აპლიკაციებს NPE Team ბრენდის სახელით


Recommended Posts

Facebook მომხმარებლებისთვის უშვებს ექსპერიმენტალური აპლიკაციების ახალ ბრენდს - „NPE Team, from Facebook“. (NPE ნიშნავს ექსპერიმენტირებას ახალ პროდუქტებთან - new product experimentation). გუნდი დაკავდება ახალი აპლიკაციების შექმნით iOS-ის, Android-ისა და ინტერნეტისათვის, განსაკუთრებული აქცენტი კი გაკეთდება ისეთ სამომხმარებლო სერვისებზე, რომლებიც წააგავს Microsoft Garage-ში არსებულს.

სიახლის შესახებ განთავსებულ ბლოგში კომპანია აღნიშნავს, რომ „გადაწყვიტა გამოიყენოს ეს ცალკეული დამოუკიდებელი საფირმო ბრენდი, რათა დაადგინოს რა მოლოდინი აქვთ მომხმარებლებს. NPE Team-ის აპლიკაციები სწრაფად შეიცვლება ან დაიხურება, თუკი კომპანია შეიტყობს, რომ ისინი სასარგებლო არ არის მომხმარებლებისთვის“.

Facebook-ისთვის აპლიკაციებში ექსპერიმენტირება უცხო არ გახლავთ. კომპანიის ისტორია სავსეა მიტოვებული, დავიწყებული პროდუქტებით, რომლებიც Facebook-მა გამოუშვა ან შეიძინა არსებობის მანძილზე. ასეთ აპლიკაციებს შორისაა Moments (ყველა ფოტოს ერთ ადგილას შეგროვების აპლიკაცია), Notify (სიახლეების გამოწერა), Lifestage (Snapchat-ის კლონი), Poke (Snapchat-ის კიდევ ერთი კლონი), Slingshot (Snapchat-ის მესამე კლონი), Tbh (ანონიმური სოციალური ქსელების აპლიკაცია), Moves (ფიტნეს-აპლიკაცია) და Hello (დილერი Android-ს მომხმარებლებისთვის).acastro_180522_facebook_0001.0.jpg

ცალკეული ჯგუფის შექმნა, რომელიც მოახდენს ახალი სერვისების ექსპერიმენტირებას და თანაც დაშორებული იქნება Facebook-ის მთავარი ბრენდისაგან, გონივრულ იდეად გამოიყურება. Facebook-ს ამგვარი გადაწყვეტილება საშუალებას მისცემს მოსინჯოს ახალი სერვისების შექმნა ნაკლები ზეწოლის ქვეშ, ხოლო თუკი რაიმე გეგმის მიხედვით ვერ იმუშავებს, ეს არ ხელყოფს მთლიანად Facebook-ბრენდს.

ჯერჯერობით არაფერი თქმულა იმის შესახებ, როდის ამოქმედდება NPE Team, თუმცა დიდი ალბათობით პირველი სერვისების გამოჩენამდე დიდი დრო არ არის დარჩენილი. 

https://www.theverge.com/2019/7/9/20687760/facebook-experimental-apps-npe-team-label-launch-ios-android-web

 

 

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • Create New...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.