Magdalena Posted December 19, 2018 Share Posted December 19, 2018 Microsoft-ი აგრძელებს თავისი Xbox-კონსოლებისთვის კოდური სახელების მინიჭებას. ორიგინალი Xbox One-ის კოდური დასახელება იყო Durango, Xbox One X-ის კი - Scorpio. ამჯერად კი, შემდეგი თაობის Xbox-ი, რომელიც 2020 წელს უნდა გამოვიდეს, ფიგურირებს სახელით - Anaconda. ამის შესახებ ცნობებს ავრცელებს Windows Central-ი. როგორც ჩანს, Microsoft-ი ემზადება ორი ახალი კონსოლის გამოშვებისთვის. Anaconda უკვე არსებული Xbox One X-ის ეკვივალენტური იქნება, გაუმჯობესებული შესაძლებლობებით და AMD-ს გრაფიკით. შესაძლებელია, რომ იგი მოიცავდეს SSD სანახ სივრცეს, რითიც შემცირდება თამაშის ჩატვირთვის დრო. აგრეთვე ცნობილია, რომ Microsoft-ი ამზადებს მეორე კონსოლსაც, კოდური დასახელებით Lockhart, რომელიც წარმოდგენილი იქნება როგორც უფრო ხელმისაწვდომი ვარიანტი (Xbox One S-ის სტილში). რასაკვირველია, ამ ორივე კონსოლს ექნება ყველა იმ თამაშის მხარდაჭერა, რომლებიც ხელმისაწვდომია Xbox-ის, Xbox 360-ისა და რაღა თქმა უნდა Xbox One-ისთვის. ამ ორი ახალი კონსოლის მზადების პარალელურად, Microsoft-ი აპირებს 2019 წელს გამოუშვას Xbox One S-ის ვერსია დისკის გარეშე. როგორც მოსალოდნელია, იგი გაზაფხულზე გამოვა. კიდევ უფრო საინტერესოა ის, რომ Microsoft-ი განიხილავს „disc-to-digital“ პროგრამას, რომელიც გულისხმობს ბიბლიოთეკის კონვერტაციას ფიზიკური დისკიდან ციფრულ ფორმატში. Microsoft-ი ამ ფუნქციის ამოქმედებას გეგმავდა Xbox One-ის გამოშვებისას, თუმცა გადაიდო მოთხოვნასა და თავსებადობასთან დაკავშირებული გარკვეული პრობლემების გამო. შემდგომი თაობის კონსოლებში დიდი ყურადღება დაეთმობა xCloud game streaming სერვისს. მომდევნო წელს Microsoft-ი გეგმავს გამოუშვას ამ სერვისის ღია საზოგადოებრივი სატესტო ვერსია, რის შედეგადაც Xbox-თამაშები ხელმისაწვდომი გახდება პერსონალურ კომპიუტერებზე, კონსოლებსა და სმარტფონებზეც. https://www.theverge.com/2018/12/18/18146095/microsoft-xbox-anaconda-lockhart-codenames-next-generation 1 1 Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.