Popular Post მიშა Posted October 31, 2011 Popular Post Share Posted October 31, 2011 ჩემ მიერ შეპირებული ფოტოგადაღების გიდის პირველი თავი პეიზაჟებს ეძღვნება, რადგან ამ ტიპის ფოტოები ყველაზე "ხელმისაწვდომია" აპარატურის მხრივ (არ საჭიროებს ფოტოსტუდიას, ძვირადღირებულ კამერას და ა.შ.) და შესაბამისად - ყველაზე გავრცელებული. მაგრამ მეორეს მხრივ, თუ დაუკვირდებით, ბოლოს როდის ნახეთ ისეთი პეიზაჟის ფოტო, რომელმაც აღგაფრთოვანათ? ან რომელიც დაგამახსოვრდათ?.. დიდი ხნის წინ? საერთოდ არ გინახავთ?.. ე.ი. არც ისე ადვილი ყოფილა კარგი პეიზაჟის გადაღება. მოდით, "მეცნიერულად" განვიხილოთ პეიზაჟის გადაღების ძირითადი პრინციპები. ა) როგორი კამერით გადავიღოთ? ნუ დაღონდებით, თუ პროფესიონალური კამერის იღბლიანი მფლობელი არ ბრძანდებით - სარკიანი კამერა სულაც არ ნიშნავს მაღალი დონის ფოტოებს. აიღეთ თქვენი სასაპნე ან ჰიბრიდი და ჩააჩხაკუნეთ. 3-4-ჯერადი ზუმი სავსებით საკმარისია პეიზაჟის გადასაღებად. თუ უფრო დიდი ზუმი გჭირდებათ, სჯობს ახლოს მიხვიდეთ გადასაღებ ობიექტთან . სასურველია კამერას სხვა თუ არაფერი, Aperture priority რეჟიმი მაინც ჰქონდეს. ბ) რა ობიექტივით გადავიღოთ?/პერსპექტივა ზემოთ ზუმი ვახსენე. ახლა ცოტა დაწვრილებით გეტყვით: ფოტოინდუსტრიაში ცალკე ცნებაც კია - "პეიზაჟის ობიექტივი" (Landscape Lens). თანამედროვე SLR-ებში მსგავსი ოპტიკა 10-40მმ დიაპაზონშია მოქცეული (მოკლე ფოკუსური მანძილი = ხედვის ფართო კუთხეს), Full Frame კამერებს შესაბამისად 24-60მმ-იანი ლინზები აქვთ. ანუ ფაქტობრივად პეიზაჟისთვის "კიტ" ლინზაც "წავა". რათქმაუნდა არსებობს უფრო სპეციალიზებული ოპტიკა, ხედვის კიდევ უფრო ფართო კუთხით, ან სულაც "თევზის თვალის" ტიპის (რომელსაც მე პირადად მუღამს ვერ ვუჭერ). რათქმაუნდა შეიძლება სცადოთ პეიზაჟის გადაღება ტელეფოტო ("დიდზუმიანი", გრძელფოკუსიანი, ანუ რაც 100მმ-ს ზევითაა) ოპტიკით, მაგრამ არ უნდა დაგავიწყდეთ პერსპექტივის მომენტი. შედარებისთვის, მარცხენა ფოტო გადაღებულია ჩემი აპარატით 102მმ ფოკუსურ სიგრძეზე (რაც კიტ ლინზის ნომინალურ ფოკუსს 7-ჯერ აღემატება). ხოლო მარჯვენა ფოტო გადაღებულია 19მმ ფოკუსით (ნომინალურზე ოდნავ მეტია). კადრში მოქცეულია უფრო მეტი დეტალი, კოლონები ნელ-ნელა პატარავდება და გეუბნებათ, რომ კადრში დიდი "სიღრმეა" მოქცეული მაშინ, როცა მარცხენა ფოტო ფაქტობრივად ბრტყელია. უფრო მოკლე ფოკუსით რომ გადამეღო, გამოჩნდებოდა, რომ მთას აქვს გარკვეული მოცულობა, რომ მთის ქვეშ რაღაც-რაღაცები არის და ნახატივით დაბრტყელებული აღარ გამოვიდოდა. მგონი მიმიხვდით, რასაც ვამბობ: რათქმაუნდა გრძელფოკუსიანი ლინზითაც შეიძლება გარკვეულწილად "მოცულობითი" გამოსახულების მიღება, მაგრამ მაშინ წინა და უკანა პლანზე არსებულ ობიექტებს შორის ტონალური სხვაობა უნდა იყოს, დაახლოებით ისე, როგორც ამ ფოტოზეა (42მმ-ზე გადაღებული, კროპით 75-მდე აყვანილი, ნომინალურს 5.5-ჯერ აღემატება): გ) რა დროს გადავიღოთ? მინდა ორი სიტყვით ამ თემასაც შევეხო. გავრცელებული მოსაზრებით, პეიზაჟის გადასაღებად იდეალური დროა დილა და საღამო. ამ დროს მზის სხივები დაბალი კუთხით ეცემა დედამიწას, ფერთა გამაც განსხვავებულია (შერბილებული, ყვითელში გარდამავალი), რაც განსხვავებულ ელფერს სძენს ფოტოს. ძალიან წამგებიანია შუადღე, გინდ მზიანი იყოს (მონოტონურად განათებული, საჭირო იქნება განსაკუთრებულად ეფექტური კომპოზიციის მოძებნა, რომ ფოტო კარგი გამოვიდეს), გინდ მოღრუბლული (აქვს გამართლება, თუკი ფონად ღრუბლებს ავიღებთ. რათქმაუნდა გარკვეული ტექსტურა უნდა ჰქონდეს). სამაგიეროდ შედარებით ეფექტური შეიძლება გამოვიდეს ცვალებადი ამინდი, ღრუბლებით, პატარა "გამონათებებით" და ა.შ. ძალიან პოპულარულია მზის ჩასვლის გადაღება. თითქმის ყველა ცდილობს გადაიღოს მსგავსი ფოტო, თუმცა თითქმის ყველას ავიწყდება, რომ ეფექტური მზის ჩასვლა მაშინ გამოდის, როდესაც თბილი ტონები მინიმალურია. მოცემულ ფოტოზე დაახლოებით 40-45% "სითბოა". ეფექტურ ფოტოზე კი "სითბო" მაქსიმუმ 20-25% უნდა იყოს (დაახლოებით ისე, როგორც Battlefield 3-ის ვოლფეიფერებზეა ხოლმე ). ასევე ეცადეთ გაითვალისწინოთ, რომ რაც უფრო დაბლაა მზე, მით უფრო ლამაზად გამოიყურება საერთო ჯამში ფოტო. დ) სურათის კომპოზიცია. "კომპოზიცია" ამ შემთხვევაში არა მუსიკას, არამედ ფოტოზე ობიექტების სპეციფიურ განლაგებას გულისხმობს კომპოზიციურად ფოტო ცხრა ნაწილად იყოფა, აი ასე: ჰორიზონტალური დანაყოფები ქმნის ჰორიზონტის "კანონიკურ" ხაზებს. გრაფიკის მიხედვით, ჰორიზონტი შეიძლება იყოს "ზედა" და "ქვედა". ისეთი ჰორიზონტი, რომელიც ფოტოს შუაგულში გადის, არც ისე ეფექტურია ხოლმე (თავიდან ეს ტყუილი მეგონა, მაგრამ ერთწლიანმა სტაჟმა დამიმტკიცა, რომ ეს სიმართლეა). ამ ფოტოზე "ზედა ჰორიზონტი" გვაქვს: ამაზე კი - ქვედა: რათქმაუნდა არსებობს ისეთი შემთხვევები, როდესაც ჰორიზონტის ხაზით ზუსტად შუაზე გაყოფილი პეიზაჟებიც კარგი გამოდის, მაგრამ ძირითადად ეს მაშინ ხდება, როდესაც საქმე წყალში არეკვლასთან გვაქვს, მაგალითად როგორც ამ ფოტოზეა: სასურველია ფოტოს წინა და უკანა პლანს შორის მანძილი სხვაობა იგრძნობოდეს. როგორც წესი საამისოდ მისწრებაა წინა პლანზე რამე ისეთი ობიექტის განთავსება, რაც უკანა პლანზე რომ იყოს გაცილებით პატარა იქნებოდა. ეს ხრიკი ფოტოს "მოცულობას" ანიჭებს და "ბრტყელი" აღარ ჩანს. აი მაგალითად ბრტყელი პეიზაჟი ეს არის: კი ვიცით, რომ წინ ბალახია, უკან კი ვიღაცის მიერ თავის ხოშზე აშენებული "სასახლე", მაგრამ ეს "წინ" და "უკან" ერთმანეთისგან ფაქტობრივად არ განირჩევა. ახლა ამ ფოტოს შევხედოთ: საბაგიროს ერთი ვაგონი უფრო პატარაა, ვიდრე მეორე. ეს გვაფიქრებინებს, რომ ერთი ვაგონი წინაა, მეორე კი უკან, შორს. ან კიდევ: ბატონი გათი სურათს უღებს ბოტანიკურის ჩანჩქერს. რათქმაუნდა ჩანჩქერის გვერდით რომ იდგეს, უფრო პატარა იქნებოდა. ესე იგი ჩემკენ უფრო ახლოს დგას... ე) სურათის ტონები. შეიძლება ჭ-ხარისხოვნად მოგეჩვენოთ, მაგრამ ის, თუ რა ტონებშია ფოტო გადაწყვეტილი, სერიოზულ გავლენას ახდენს ფოტოზეც და მის მომზირალზეც (ფერი კომპოზიციურ გადაწყვეტაზე არანაკლებ მოქმედებს ადამიანის ფსიქიკაზე). მაგალითად, ეს არის ნათელ ტონებში გადაწყვეტილი ფოტო: იდეაში ასეთი ფოტო დამამშვიდებლად უნდა მოქმედებდეს ადამიანზე (რათქმაუნდა იმ ბედშავებზე არა, ვინც მაღლივში სწავლობს ). მსგავსი ფოტოს გადაღებისას ყურადღება უნდა მიექცეს იმას, რომ არ დაიკარგოს ფოტოს ისედაც ბაცი დეტალები. ამ ფოტოზე ღრუბლები არ არის, მაგრამ სხვა შემთხვევაში, როდესაც ღრუბლიანი ცაა, შეიძლება ფოტოს გაღიავებით დაიკარგოს ღრუბლების კონტური და სულ ამოთეთრდეს, რაც წამგებიანია. რაც შეეხება მუქ ტონებში შესრულებულ ფოტოს: ძირითადად მუქ ტონებში გადაწყვეტილი ფოტოები "ღამეულია" ხოლმე, თუმცა არსებობს დღისით გადაღებული მუქი ფოტოებიც. რათქმაუნდა საუბარი არ მაქვს ისეთ ფოტოებზე, რომელთაც განათება/ექსპოზიცია დააკლდათ და ამიტომ (ან სხვა რამე მიზეზის გამო) ჩაბნელდნენ. აქვე შეგახსენებთ, რომ ღამით ბუნების გადაღებას აზრი არ აქვს - შავ ფოტოს მიიღებთ თუმცა საკმაოდ ეფექტური შეიძლება გამოვიდეს საღამოს, მზის ჩასვლის შემდეგ გადაღებული ფოტო (სამწუხაროდ არ მაქვს ასეთი). მართალია ღამით გადაღებას ცალკე თემა მინდა მივუძღვნა, მაგრამ ამავე თემაში მინდა დავძინო, რომ ღამით გადაღებისას სასურველია აკონოტროლოთ თეთრი ფერის ბალანსი (White Balance). ყველაზე ეფექტურად გამოიყურება ფოტო, სადაც ცისფერი და ყვითელი ტონალობები ერთადაა ხოლმე. მაღალკონტრასტული ფოტო: ასეთ ფოტოებში ხშირია სრულიად ნათელი და სრულიად ბნელი არეების "მეზობლობა". კარგად გადაღებული (კარგად გადაღებული და არა ეს ნაგავი!) კონტრასტული ფოტო საკმაოდ ეფექტურად მოქმედებს ადამიანის ფსიქიკაზე. ძირითადი პრობლემა აქ ნათელსა და ბნელს შორის არსებული ნახევარტონების დაკარგვაა - ფოტოზე ბლომად გექნებათ სულ თეთრი და სულ შავი ზონები. თუმცა თუ საკმაო გამოცდილება გაქვთ, შეიძლება ამასაც აარიდოთ თავი. ვ) კონტრაჟური. კონტრაჟური გადაღების ისეთ პირობებს ეწოდება, როდესაც მზე ობიექტივს "უყურებს". ამ დროს დიდი ალბათობით შეიძლება წარმოიქმნას მაღალკონტრასტული ფოტო (თუმცა არცაა სავალდებული). კონტრაჟურში გადაღებისას აუცილებელია გაითვალისწინოთ, რომ როდესაც მზე კადრში ხვდება, უნდა გამოიყენოთ "MC" (Multi-Coated) ლინზები. ისინი ფოტოს მზის "ათინათისგან" იცავენ. შედარებისთვის, ქვედა მაგალითზე მარცხენა ფოტოები MC ლინზითაა გადაღებული, მარჯვენა კი - ჩვეულებრივით: ფოტოს მოწოდებისთვის დიდი მადლობა გათის. აგრეთვე კარგია ბლენდის (Lens Hood) და სპეციალური ფოტოფილტრების გამოყენება. კამერის სენსორის დაცვისთვის სასურველია, თუკი მზეს მაინცდამაინც ფოტოს ცენტრში არ მოვაქცევთ და თუ ზაფხულია და ცხელა, საერთოდ მოვერიდებით მსგავს გადაღებას. თუმცა, როგორც იტყვიან, "ჩიტი ბრდღვნად ღირს", საპირისპირო განათებისას ბევრი ისეთი რამ ჩნდება, რაც ჩვეულებრივ პირობებში "უხილავია". მაგალითად აბლაბუდა (ჰო კარგი, "ობობას ქსელი"): წყალი, ნებისმიერი სახით, იქნება ეს შხეფები, ნისლი თუ სხვა რამ: ერთი სიტყვით, მეტი შემოქმედებითობის საშუალება გეძლევათ, რაც ასე მნიშვნელოვანია ჩვენს დროში, როცა ყოველ მეორეს "პროფესიონალი" აქვს გადაკიდებული და ხახადაფჩენილი მგელივით ეძებს საკბილოს ზ) რა ვქნათ იდეების ნაკლებობისას? ეს კითხვა ამ ბოლო დროს ყველაზე მეტად მაწუხებს (გიდის დაწერაც მაგის გამო განვიზრახე ). საერთოდ ამას ვერავინ გავექცევით. ადამიანის ფსიქოლოგიიდან გამომდინარე, მას ნელ-ნელა (საუბედუროდ) ბეზრდება ის, რასაც აკეთებს. რაღაც დროის შემდეგ მიხვდებით, რომ თქვენ გარშემო ყველაფერი გადაიღეთ, დღის ყველა საათში, წელიწადის ყველა დროს გადაიღეთ და აღარ იცით რა ქნათ. სწორედ ამ დროს უნდა აიღოთ კამერა და ისევ შეუდგეთ ყველაფრის გადაღებას, მაგრამ ამჯერად შეეცადოთ კადრში ყველაფერი კიარა, მინიმალური რაოდენობის ობიექტი მოხვდეს. რაც ნაკლები - მით უკეთესი! საერთოდ პეიზაჟებში მინიმალიზმი გაცილებით რთულია, ვიდრე სხვა დანარჩენ ფოტოებში, რადგან როგორც კი რომელიმე კადრს აირჩევთ, მიხვდებით, რომ ეს პეიზაჟი კიარა, სხვა რამეა, მაგალითად არქიტექტურული დეტალი, მაკროგადაღება და ა.შ. მაგრამ სავარჯიშო მაინც გაგიჩნდებათ და შეიძლება "მუღამიც" კი დაგიბრუნდეთ. არ დაგავიწყდეთ, რომ რაც ამ პატარა თემაში დავწერე, დოგმა სულაც არ არის. ანუ არ არის სავალდებულო მაინცდამაინც ისე გადაიღოთ, როგორც მე გითხარით - იმპროვიზაცია სასურველიცაა და აუცილებელიც! შემდეგ თემებში ვისწავლით, როგორ გადავიღოთ წყალი, პორტრეტი, მაკტოფოტოგრაფია. ასევე როგორ გადავიღოთ ღამით. ამის შემდეგ რა იქნება, აღარ ვიცი, მერე მოვიფიქრებთ ერთად, რათქმაუნდა თუ დაინტერესტებით და მარტო მშრალ "მაგარი თემაა"-ს არ დაწერთ. P.S. თემაში გამოყენებულ ფოტოებს არ აქვთ არანაირი პრეტენზია მხატვრულ ღირებულებაზე და გთხოვთ ავტორს ნუ გალანძღავთ. P.P.S. ერთ-ერთი მომდევნო თემის - "პორტრეტული გადაღების" დასაწერად მჭირდება სტატისტი, ვისაც გადავუღებ ფოტოს. გთხოვთ შემეხმიანეთ walkman შენ არ ჩამოხვალ ვიცი გმადლობთ ყურადღებისთვის! 18 Quote Link to comment Share on other sites More sharing options...
ბექა Posted October 31, 2011 Share Posted October 31, 2011 მადლობა რაღაცები გავიგე :miyvarxar: Quote Link to comment Share on other sites More sharing options...
gajaviki Posted October 31, 2011 Share Posted October 31, 2011 მიშა წავიკითხე გულდასმით და ბევრი რამ გავიგე, შეიძლება ყველაფერი არ დამამახსოვრდა მაგრამ პრაქტიკაზე როცა მივდგები გამახსენდება ეს თემა. მადლობა მიშა. :miyvarxar: Quote Link to comment Share on other sites More sharing options...
მიშა Posted October 31, 2011 Author Share Posted October 31, 2011 მიშა წავიკითხე გულდასმით და ბევრი რამ გავიგე, შეიძლება ყველაფერი არ დამამახსოვრდა მაგრამ პრაქტიკაზე როცა მივდგები გამახსენდება ეს თემა. მადლობა მიშა. პრაქტიკაზე რომ მიხვალ გიგი, მიხვდები, რომ სულ სისულელეები ვწერე ხუმრობის გარეშე ვამბობ. Quote Link to comment Share on other sites More sharing options...
Vako™ Posted October 31, 2011 Share Posted October 31, 2011 კაი სტატიაა მიშა, გამოადგებათ დამწყებებს Quote Link to comment Share on other sites More sharing options...
მიშა Posted November 1, 2011 Author Share Posted November 1, 2011 მგონი მეტ თემას აღარ დავწერ Quote Link to comment Share on other sites More sharing options...
Senior CG Generalist Posted November 3, 2011 Share Posted November 3, 2011 :thumbsup: Quote Link to comment Share on other sites More sharing options...
გათი Posted November 3, 2011 Share Posted November 3, 2011 სად გავიჩითე :D 1 Quote Link to comment Share on other sites More sharing options...
walkman Posted November 3, 2011 Share Posted November 3, 2011 მშვენიერია მიშა! აუ ერთხელ უნდა მოვახერხო და ჩამოვეთრე რა :D Quote Link to comment Share on other sites More sharing options...
მიშა Posted November 3, 2011 Author Share Posted November 3, 2011 მშვენიერია მიშა! სხვა თემებმა მეტი გამოხმაურება და ინტერესი ჰპოვეს. აზრი არ ქონია აქ ფოტოგრაფიის სწავლებას, დროა პენსიაზე გავიდე :babu: Quote Link to comment Share on other sites More sharing options...
walkman Posted November 3, 2011 Share Posted November 3, 2011 სხვა თემებმა მეტი გამოხმაურება და ინტერესი ჰპოვეს. აზრი არ ქონია აქ ფოტოგრაფიის სწავლებას, დროა პენსიაზე გავიდე ნწუ, არ გეთანხმები! ხო ხედავ რამდენმა ადამიანმა მოინდომა უკვე ყიდვა DSLR-ის? დააცადე ცოტაც და უფრო მეტი შეკითხვა დაისმევა და უფრო მეტი მკითხველი ეყოლება შენს პოსტებს! Quote Link to comment Share on other sites More sharing options...
დათო Posted November 3, 2011 Share Posted November 3, 2011 ახლა ვნახე ეს თემა... ზოგი რაღაც ვიცოდი მაგრამ უმეტესობა არ ვიცოდი მაგალითად ჰორიზონტის შესახებ... +1 :thumbsup: 1 Quote Link to comment Share on other sites More sharing options...
მიშა Posted November 3, 2011 Author Share Posted November 3, 2011 ნწუ, არ გეთანხმები! ხო ხედავ რამდენმა ადამიანმა მოინდომა უკვე ყიდვა DSLR-ის? დააცადე ცოტაც და უფრო მეტი შეკითხვა დაისმევა და უფრო მეტი მკითხველი ეყოლება შენს პოსტებს! მაგათ ისედაც უნდოდათ ყიდვა :xelitavi: Quote Link to comment Share on other sites More sharing options...
gajaviki Posted November 3, 2011 Share Posted November 3, 2011 პრაქტიკაზე რომ მიხვალ გიგი, მიხვდები, რომ სულ სისულელეები ვწერე ხუმრობის გარეშე ვამბობ. არამგონია სისულელე ეწეროს აქ სისულელეს არ დაწერდი შენ ისე, რაც შენთან მაქვს ურთიერთობა, შენგან სისულელე არ მსმენია :yes: Quote Link to comment Share on other sites More sharing options...
მიშა Posted November 3, 2011 Author Share Posted November 3, 2011 არამგონია სისულელე ეწეროს აქ სისულელეს არ დაწერდი შენ ისე, რაც შენთან მაქვს ურთიერთობა, შენგან სისულელე არ მსმენია ჩემი გამოცდილებით დავწერე ეგ სისულელის ამბავი, რეალურად გადაღების დროს მასეთ დეტალებზე თუ ბევრი იფიქრე, შეიძლება სულ არ გამოვიდეს წესიერი ფოტო. დამწყებთათვის კარგი გიდია, მაგრამ მერე და მერე უკვე "გაგიჯდება" ეგ ყველაფერი და ნაკლებად მიაქცევ ყურადღებას. Quote Link to comment Share on other sites More sharing options...
დათო Posted November 3, 2011 Share Posted November 3, 2011 არამგონია სისულელე ეწეროს აქ სისულელეს არ დაწერდი შენ ისე, რაც შენთან მაქვს ურთიერთობა, შენგან სისულელე არ მსმენია იმის გარდა რასაც თვითკრიტიკისას ამბობს ხოლმეო უნდა დაგეწერა ალბათ :dabolili: Quote Link to comment Share on other sites More sharing options...
gajaviki Posted November 3, 2011 Share Posted November 3, 2011 იმის გარდა რასაც თვითკრიტიკისას ამბობს ხოლმეო უნდა დაგეწერა ალბათ :yes: Quote Link to comment Share on other sites More sharing options...
მიშა Posted November 3, 2011 Author Share Posted November 3, 2011 <_< Quote Link to comment Share on other sites More sharing options...
ANGEL Posted April 29, 2012 Share Posted April 29, 2012 Aperture priority ანუ A ღილაკი? მიშა, როგორც მოიცლი როგორ გადავიღო პეიზაჟი დ 3100 მითხარიი:) Quote Link to comment Share on other sites More sharing options...
მიშა Posted April 29, 2012 Author Share Posted April 29, 2012 Aperture priority ანუ A ღილაკი? შენ ფოტოაპარატზე "A" ღილაკი, კი. მიშა, როგორც მოიცლი როგორ გადავიღო პეიზაჟი დ 3100 მითხარიი თემა გადაიკითხე რომ ძირითადი ბაზისი გქონდეს ინფორმაციისთვის და შემდეგ უკვე კითხვები მომაყარე :spiteful: Quote Link to comment Share on other sites More sharing options...
ANGEL Posted April 29, 2012 Share Posted April 29, 2012 მიშა A რეჟიმით პირველად ვცადე, აივანზე გავედი და ისე გადავიღე Quote Link to comment Share on other sites More sharing options...
მიშა Posted April 29, 2012 Author Share Posted April 29, 2012 რა არაორდინალური ხედი გაქვს რა დიაფრაგმა დააყენე? ცოტა ბუნდოვანია. დაბალი რიცხვი ხომარ მიე? ან პირიქით, მაღალი? :xeli: Quote Link to comment Share on other sites More sharing options...
ANGEL Posted April 29, 2012 Share Posted April 29, 2012 7.1 იყო ისო 100 Quote Link to comment Share on other sites More sharing options...
მიშა Posted April 29, 2012 Author Share Posted April 29, 2012 და დაყოვნება რამხელა მოგცა? უი ბუნდოვანი კიარა დაბალპიქსელიანი ყოფილა, ეტყობა სადაც ატვირთე, დააპატარავა საიტმა... მე ძირითადად "A" რეჟიმში ვიღებ ფოტოებს, მარტო მე კიარა, უმეტესობა... მანდ ოდნავ უფრო მეტი თავისუფლება გაქვს, ვიდრე "ავტო" რეჟიმზე და მოსახმარადაც მარტივია. Quote Link to comment Share on other sites More sharing options...
ANGEL Posted April 29, 2012 Share Posted April 29, 2012 რადიკალზე ავტვირთე დაყოვნება დამავიწყდაა, არა უშავს ხვალ ვცდი კიდევ. Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.