Search the Community

გაგიმარჯოთ ფორუმელებო! დღეს მცირედი ახსნით შემოვიფარგლები თუ როგორ შევარჩიოთ შტანგერი და როგორ მოვახდინოთ სწორი ექსპლუატაცია. შტანგერი არის ციფრული და მექანიკური, მე განვიხილავ მექანიკურის ერთ-ერთ ვარიანტს , რადგან მარტივი და მუშა ვარიანტია, რომელიც ზომავს 0,1 მმ-მდე სიზუსტით და ზედმეტ ექსპლუატაციურ შამანობას არ მოითხოვს. შტანგა მოძრავი ჩარჩო შტანგის გრადუირება შიგნითა საზომის ტუჩები გარეთა საზომი ტუჩები სიღრმის საზომი ნონიუსის გრადუირებული გრაფა ჩარჩოს ჩამკეტი ვინტი როგორ შევარჩიოთ შტანგერი: შტანგერები დღეს საკმაოდ ბევრია ბაზარზე ძველი რუსულიდან დაწყებული ჩინურით დამთავრებული. ორივე მათგანი ზომავს ერთი და იმავე სიზუსტით, მაგრამ ყველაზე კარგია შტანგერი, რომელსაც შტანგაზე გრადუირება აქვს ჩაღრმავების გარეშე. ანუ: გვერდითი კიდეები ნახეთ და შუა, სადაც გრადუირებაა, ეს ნაწერი უფრო ქვემოთაა, ვიდრე ნონიუსის გრაფა(ზედა სურათი, აღნიშვნა N7 ) . ეს კონსტრუქციული თავისებურება იძლევა გარკვეულ სხვაობას 0,1მმ -ში გაზომვისას , რადგან ამ ზედა და ქვედა გრადუირებას შორის სივრცე შტანგერზე არა პირდაპირ, არამედ გარკვეული კუთხით შეხედვისას ცვლის მაჩვენებელს. ჩემთვის ასეთი შტანგერი არაპრაქტიკულია ზოგჯერ. გრადუირება სადაცაა ნონიუსის, მივინტულია, შესაბამისად, დროთ განმავლობაში ან უხეში ხმარებისას შეიძლება არევა გრადუირების, ანუ, შტანგერის მაჩვენებელი დახურული ტუჩების მდგომარეობაში 0,0 მმ-ზე არ იქნება და გასასწორებელია(რაც ადვილად ხდება ვინტებს მოშვებით და დარეგულირებით) მსგავს შტანგერს მეტი მინუსი არ აქვს, ყოველ შემთხვევაში არ შემიმჩნევია (ახლა რაც შემოდის ჩინურებია მსგავსი სტილის) . მომდევნო შტანგერი გახლავთ ძველი რუსული წარმოების, რომელსაც გრადუირებული მაჩვენებლის მხრივ არ გააჩნია მინუსი, სიზუსტეც 0,1 მმ- ში და სხვა კონსტრუქციული თავისებურება კარგადაა დაცული. შტანგერის ყიდვისას უნდა შევამოწმოთ და ალალ სიტყვაზე არ ვენდოთ გამყიდველს: 1)შტანგერს ოდნავ ვუხსნით ტუჩებს , ამ დროს გამავალი სინათლის ხაზი მთელ სიგრძეზე ერთი და იმავე სიგანის უნდა იყოს. 2)ვამოწმებთ შიგნითა საზომ ტუჩებს, მათი საზომი ზედაპირები ერთ სისწორეზე უნდა იყვნენ ან ყველაზე კარგია მსგავსად , მიკრომეტრით ან სხვა ზუსტი ორიენტირით გაზომვა მიკრომეტრი ზუსტად 10მმ-ზეა დაფიქსირებული, შტანგერით გაზომვისას იმავე ზომა უნდა მივიღოთ(ამ შემთხვევაშიც შტანგერი გამართულია) 3)სიღრმის საზომის გატესტვისას არაა ბევრი ფილოსოფია საჭირო, მთავარია არ ირყეოდეს სიგრძივი ღერძის პარალელურად. ვამოწმებთ მარტივად, ხელით(ძირითადად ეს ნაწილი გამართულია ხოლმე) . ვამოწმებთ სიღრმის საზომს, ზუსტად ერთ სისწორეზეა თუ არა შტანგის ძირთან. 4)ნახმარი "შტანგერცირკული"-ს ყიდვისას ყურადღება გაამახვილეთ სერიული ნომრის დამთხვევაზე შტანგასა და მოძრავ ჩარჩოზე, რისი არდამთხვევაც ამ დეტალების სხვა შტანგერიდან შეთავსების მაჩვენებელია, რაც სიზუსტეზე მოქმედებს : ჩემ ჩემთხვევაში დამწერი ალბათ დაბოლილი იყო, რადგან ზოგ ეგზემპლარზე მშვენივრად და გასაგებადაა აღნიშნული, აქ კი ასეა (თუმცა, ნომერი ემთხვევა) 5) მოძრავი ჩარჩო არ უნდა ირყეოდეს შტანგის სზეულის პარალელურად, გვერდითი რყევა ასე 0,3 მმ დასაშვებია, შეამოწმეთ ესეც ხელით, მცირედი ზეწოლით. 6) "შტანგერცირკული ახალია, არაა ნახმარი" როგორ შევამოწმოთ გვაბოლებენ თუ არა: ვადარებთ შტანგის გვერდითი ზედეპირების გაცვეთის ხარისხს მის ბოლო მონაკვეთთან ყველაზე იშვიათად იყენებენ ბოლო მონაკვეთს (ქვედა სურათზე აღნიშვნა N 2 ) , მეტ ცვეთს კი ექვემდებარება სურათზე აღნიშნული N 1 გაცვეთის ხარისხი ჩანს გვერდითი სავალი ნაწილის მეტალის "გადაგლესვით", გაპრიალებით. პრინციპში მეტი შემოწმება ყიდვისას თუ მოინდომეთ გამყიდველი ალბათ არც მოგითმენთ და თუ არ ყიდულობ გაიარეო გეტყვით , ამიტომ აქ გავჩერდეთ, ეს სრულიად საკმარისია შესარჩევად. სწორ ექსპლუატაციას კი რაც შეეხება, არ არის სასურველი აბრაზიული ნამცეცების მოხვედრა, რაც მექანიზმს სწრაფად ცვეთს. ამიტომ საჭიროა საკერავი ან მანქნის ზეთით გაწმენდა და შემდეგ დაზეთვა. როგორ გავზომოთ შტანგერით შტანგერის გრადუირების საწყისი გაჩერებულია 9 და 10 მმ-ს შორის. გვერდითი გრადუირებიდან კი ხაზი-ხაზზე ემთხვევა მეხუთე დანაყოფი. ანუ 9 მმ-ს + 0,5მმ =9,5მმ-ს. პრინციპში სულ ეს იყო