Amazon Games ამჟამად დაკავებულია მიზნით - შექმნას მასშტაბური როლური თამაში New World. შესაბამისი პროფილის პრესასთან ინტერვიუებში მწარმოებლები სულ უფრო ხშირად საუბრობენ მომავალი პროექტის შესაძლებლობების შესახებ.
New World - ეს არის PvP-ბრძოლებზე მიბმული თამაში. ანტრეპრენერები თვლიან, რომ ამგვარი მიდგომა გამართლებულია, რადგან ამ შემთხვევაში პრაქტიკულად ყველაფერი დამოკიდებულია მომხმარებლის შესაძლებლობებზე. იგივე შეიძლება ითქვას სხვა ნებისმიერ როლურ თამაშზეც, თუმცა New World-ის პერსონაჟს მაქსიმალური ყურადღება ეთმობა. ავიღოთ მაგალითად კრაფტის სისტემა. იგი წარმოდგენილია ოთხ პროფესიად: მზარეული, ალქიმიკოსი, ინჟინერი და მჭედელი. მნიშვნელოვანია, რომ მოპოვებული ქულები წარმატებულად დაიხარჯოს ერთ-ერთი მითითებული პროფესიის განვითარებაზე.
არანაკლებ მნიშვნელოვანია ქულების გამოყენება გადარჩენისა და მომპოვებლობისთვისაც. სამივე ეს სისტემა მჭიდროდ იქნება ერთმანეთთან დაკავშირებული.
New World-ის ავტორები ხაზს უსვამენ, რომ პროექტის ეკონომიკა დიდწილად იქნება დამოკიდებული მოთამაშეების სურვილზე - განავითარონ თავიანთი პერსონაჟები, შესძინონ მათ ახალი უნარ-ჩვევები. მოთამაშეებს შეეძლებათ გაერთიანდნენ დიდ ჯგუფად, აირჩიონ ლიდერი, დაიცვან იერარქია და გადაწყვეტილებები განიხილონ ხმოვან ჩატში - ყველაფერი ისეა, როგორც საჭიროა. ამგვარ ჯგუფში მოთამაშეებს ექნებათ ნება დართული - ფლობდნენ ცალკეულ ტერიტორიებს, რომლის ფლობის უფლებაც რეგულარულად უნდა დაიცვან.
Amazon Games არ აპირებს ისტორიული სიზუსტე დაიცვას თამაშში, თუმცა ეპოქად მე-19 საუკუნე აირჩიეს. PvE-კონტენტის მოყვარულებისთვის თამაში დიდად მოსაწონი ვერ იქნება. დიახ, თამაშში იქნება რამოდენიმე ზონა ამაყი, მარტოსული მოგზაურებისთვის, თუმცა ფაქტია - New World - ეს PvP- თამაშია.
პროექტის ერთ-ერთი უმთავრესი პირობაა მუდმივად გადარჩენისთვის ბრძოლა. პერსონაჟის საბაზისო მოთხოვნები უნდა დაკმაყოფილდეს: ეს გულისხმობს მის მინიმუმ წყლითა და საკვებით უზრუნველყოფას. თუმცა ხანგრძლივი შიმშილით პერსონაჟი არ მოკვდება, მაგრამ დაქვეითებული სასიცოცხლო ძალების გამო ბრძოლაში გარდაუვალი დამარცხება ელის.
New World-ის გამოსვლის ზუსტი თარიღი ჯერჯერობით უცნობია. ამჟამად პროექტი იმყოფება დახურული ალფა-ტესტირების რეჟიმში.
https://overclockers.ru/softnews/show/95089/amazon-raskryla-massu-podrobnostej-o-svoem-ambicioznom-mmo-proekte-new-world