NVIDIA-ს ახალი Volta არქიტექტურიდან ტოპ ვიდეო ბარათი უკვე იყიდება, კაი ხანია, Titan V, 3000$-ად.
მოუთმენლად ველოდებით შედარებით ეკონომ ვერსიების გამოსვლას, რადგან Titan V-ს ტესტების მიხედვით, საკმაოდ დიდი მატებაა როგორც გეიმინგის, ასევე განსაკუთრებით მაინინგის კუთხით.
დღეს პირველი ჭორები დაიყარა ინტერნეტში, რომ GTX 2080/2070-ის ანონსი 12 აპრილისთვისაა დაგეგმილი:
https://wccftech.com/nvidia-ampere-ga104-gpu-geforce-gtc-2070-gtx-2080-launching-april/
http://www.guru3d.com/news-story/rumor-nvidia-ampere-might-launch-as-geforce-gtx-2070-and-2080-on-april-12th.html
აღსანიშნავია, რომ ჯერჯერობით ეს მხოლოდ ჭორებია, მაგრამ, როგორც წესი, ასეთი ჭორები მთლად უსაფუძვლოდ არ ვრცელდება ხოლმე.
უცხოური საიტები ასევე ამბობენ, რომ სამომხმარებლო/გეიმინგ ვიდეო დაფების ვარიანტს NVIDIA-მ შეიძლება სახელი შეუცვალოს და Volta-ს ნაცვლად Ampere არქიტექტურის სახელით გამოუშვას, სადაც აღარ იქნება ტენზორული ბირთვები, HBM2-ის ნაცვლად გამოიყენებენ GDDR6-ს და ბირთვის ფიზიკური ზომაც უფრო პატარა იქნება.
ასევე, NVIDIA-ს არაფერი უშლის ხელს, რომ აპრილში მხოლოდ არქიტექტურისა და ვიდეო ბარათების მოდელების ანონსი გააკეთოს, ხოლო გაყიდვა უფრო გვიან, მაგალითად Computex/Cebit-ის ჩატარების თარიღებიდან დაიწყოს, ივნისში.
თუმცა, ჯერჯერობით, ეს ყველაფერი მხოლოდ ჭორებია.