PowerColor LCS HD5870 V2 წყლის გაგრილებით
შარშან, ოქტომბერში გამოვიდა პროდუქტი PowerColor LCS HD5870 სახელწოდებით, რომელიც გახდა წყლის გაგრილების მქონე ATI Radeon HD 5870-ის პირველი ვერსია. ამ კვირას, კორპორაცია TUL-მა, რომელსაც ეკუთვნის მარკა PowerColor-ი, წარმოადგინა ამ 3D-კარტის განახლებული ვერსია, რომელსაც ეწოდა LCS HD5870 V2.
ახალი პროდუქტის GPU ბირთვის ტაქტური სიხშირე, რეფერენსთან შედარებით, კიდევ უფრო მეტადაა გაზრდილი, ვიდრე ეს პირველ ვერსიას ჰქონდა და ის შეადგენს 950 მჰზ-ს. შეგახსენებთ, რომ PowerColor LCS HD5870-ის ეს მაჩვენებელი უდრიდა 875 მჰზ-ს, ხოლო რეფ. მოდელისა კი 850-ს. ამასთან, GDDR5-ის ოდენობა დაუბრუნდა 1200 მჰზ-ს (ეფექტური 4800 მჰზ), მაშინ როდესაც PowerColor LCS HD5870-ს ის 1250 მჰზ ჰქონდა (ეფ.5000 მჰზ).
PowerColor LCS HD5870 V2-ის კონსტრუქციაში გამოყენებულია EK Water Blocks-ის წარმოების წყლის ბლოკი, რომელიც ფარავს გრაფიკულ პროცესორს, მეხსიერების მიკროსქემებსა და ძაბვის რეგულატორს – კვების ჯაჭვში. PowerColor-ის თქმით, სპილენძის ძირის მქონე ეს კომპონენტი ისე დააგდებს ტემპერატურას, რომ სრული დატვირთვის დროსაც კი, ის არ გადააჭარბებს 50°С-ს.
სიახლის ავტორი – X-treme user